Pájina aktualizada iha 21:57h, kuarta-feira 20 Novembru

Joko Widodo proklama vitória iha eleisaun prezidensial sira Indonézia nian

21 de Maio de 2019, 19:35

Iha loron-tersa ne'e, Joko Widodo proklama ona vitória iha eleisaun prezidensial sira iha Indonézia, ne'e eleitu fali ba mandatu daruak, maski iha protestu hosi rival prinsipal ne'ebé denunsia ona fraude eleitoral ida iha nível boot.


"Ami sei sai hanesan líder sira no protetor sira hosi ema indonéziu tomak", promete ona hosi Widodo iha deklarasaun sira ba imprensa hamutuk ho nia númeru daruak, visi-prezidente Ma'ruf Amin.

Joko Widodo, ne'ebé hanesan musulmanu moderadu ida, manán ona mandatu prezidensial daruak iha demokrasia boot datoluk iha mundu tanba popularidade ida ne'ebé maka'as ne'ebé maka akontese tanba obra infraestrutura boot sira no medida sosial sira.

Mane ne'ebé koñesidu mós hanesan "Jokowi" halo beibeik viajen ba arkipélagu barak indonéziu nian durante kampaña eleitoral.

Anúnsiu ofisial hosi rezultadu eleitoral sira sei akontese iha loron-kuarta, loron-limite ba komisaun eleitoral hodi fó sai rezultadu sira, no autoridade sira reforsa ona seguransa iha kapital tanba tauk protestu sira hosi opozisaun.

Hahú hosi eleisaun, iha 17 Abril, ne'ebé vota ona ema indonéziu millaun 190 resin, kandidatu opozisaun nian, Prabowo Subianto, protesta beibeik kontajen parsial hosi votu sira, ne'ebé fó avansu ida ba Prezidente sesante, no deklara ona nia aan rasik ba vitória.

Iha loron 18 Abril, Joko Widodo deklara ona katak hetan ona releisaun, hafoin sondajen ida ne'ebé aponta ba vitória ida ho votu 54%.

Autoridade sira husu ona ba apoiante sira hosi eis-jeneral Prabowo Subianto atu labele sai ba estrada sira, hodi alerta ba risku hosi atake terorista sira.

Lusa

 


Comentários

Critério de publicação de comentários