Pájina aktualizada iha 21:51h, kuarta-feira 20 Novembru

Governu timoroan mantén impostu sira maibé hakarak aumenta reseita fiskal

22 de Maio de 2019, 00:15

Governu timoroan sei la aumenta impostu ruma iha prazu badak maibé sei buka fortalese kapasidade hosi autoridade sira hodi aumenta reseita sira hodi mantén atual baze tributáriu, hatete hosi konselleiru ida hosi Ministériu Finansa iha loron-tersa ne'e.


"Governu, iha prazu badak, sei la aumenta impostu sira ba prazu badak, maibé sei hadi'a kapasidade hosi administrasaun tributáriu hodi hetan tan osan iha baze tributária atual", hatete hosi Helder Lopes, iha Díli.

Helder Lopes ko'alia iha aprezentasaun, iha Díli, hosi relatóriu semestral hosi Banku Mundial kona-ba ekonomia timoroan nian, ne'ebé halibur reprezentante sira hosi Governu, parseiru sira dezenvolvimentu nian ho sosiedade sivil.

Konselleiru esplika katak desizaun ne'e akontese iha parte balun tanba atual kuadru lejislativu eziji atu alterasaun ruma, maski ki'ik, ba valor tributáriu, tenki liuhosi parlamentu ho Prezidente.

"Ami hakarak ajusta lei hodi tenta atu mudansa sira iha impostu sira, hanesan ezemplu, bele halo liuhosi lei Orsamentu nian. La presiza toka iha lei tributáriu baze nian", nia hatete.

Konselleiru espesial hosi ministra interinu Finansa nian hatete katak estratéjia tributáriu ne'e halo parte iha polítika boot liu hosi reforma fiskal, hosi reseita sira no mós hosi gastu sira ne'ebé ezekutivu halo daudaun.

Nia refere katak ne'e implika atu distribuisaun hosi fundu públiku sira hosi área sira determina la'ós de'it hosi importánsia hosi área sira rasik maibé mós hosi "efisiénsia hosi gastu sira" no hosi "kapasidade hosi instituisaun sira hodi uza osan ho efisiente".

Nia hatete katak nune'e maka Governu hahú hela preparativu sira ba Orsamentu Jeral Estadu (OJE) tinan 2020 nian, hodi haree ba área prioritáriu sira maibé mós ba dalan di'ak hodi gasta.

Kona-ba estratéjia Governu nian, no maski rekoñese importánsia hosi área sira seluk, Helder Lopes hatete katak dezenvolvimentu hosi indústria petrolíferu - inklui projetu Greater Sunrise - kontinua hanesan "importante tebes" ba dezenvolvimentu sosial ho sustentabilidade fiskal hosi nasaun.

Kona-ba Greater Sunrise, iha konkretu, estratéjia hosi ezekutivu maka "hetan fonte alternativu sira hosi finansiamentu, hodi nune'e Fundu Petrolíferu sei hanesan rekursu ikus, rezerva ikus" hodi selu projetu.

Hatán ba Lusa kona-ba konkretizasaun hosi kestaun, liuliu kona-ba garantia sira ne'ebé Timor-Leste oferese hela ba potensial investidor sira, Helder Lopes hatete katak pozisaun inisial iha ligasaun ho reseita sira hosi projetu rasik.

"To'o agora, iha diskusaun dahuluk sira, ami hatete katak garanti maka balansu hosi Timor Gap kona-ba fluksu futuru hosi reseita sira ne'ebé maka projetu sei hamosu", nia esplika.

"Ne'e hanesan diskusaun dahuluk no kestaun ida ne'ebé sei evolui", nia afirma.

Nia hatete katak iha sentidu inversu, reseita sira ne'ebé mai hosi projetu - produsaun sei hahú iha final hosi tinan 2025 ka iha inísiu tinan 2026 - "sei haruka ba Fundu Petrolíferu", hodi garanti nune'e sustentabilidade ba fonte prinsipal hosi reseita sira OJE nian.

Iha ámbitu seluk no bainhira ko'alia iha enkontru hanesan, Macmillan Anyanwu, responsável hosi Banku Mundial iha Timor-Leste hatete katak nasaun tenki konsolida nia gastu públiku sira, buka proteje serbisu sosial sira ne'ebé reprezenta nafatin parte ki'ik ida hosi Orsamentu Jeral Estadu (OJE) nian.

Haree katak Timor-Leste hanesan nasaun ida ne'ebé gasta liu iha saúde, hanesan ezemplu, responsável Banku Mundial hatete katak hanesan importante garanti katak fundu públiku sira haruka hodi hadi'a dezafiu sira ne'ebé maka sei mosu iha área sosial sira.

Lusa

 


Comentários

Critério de publicação de comentários