Pájina aktualizada iha 21:51h, kuarta-feira 20 Novembru

PR Indonézia hatete katak autoridade sira iha kontrolu iha kapital hafoin desorden sira

22 de Maio de 2019, 21:23

Prezidente Indonézia nian, Joko Widodo, deklara ona, iha loron-kuarta ne'e, katak autoridade sira iha ona kontrolu iha kapital nasaun nian, Jakarta, hafoin desorden sira ne'ebé mosu hosi protestu sira hosi apoiante sira hosi nia rival iha eleisaun prezidensial sira iha fulan liubá.


Tuir polísia, ema na'in neen mate no na'in sanulu resin kanek iha desorden ne'ebé hahú iha loron-tersa kalan, hafoin divulgasaun hosi rezultadu ofisial sira hosi eleisaun sira, hatudu vitória ba Widodo ba mandatu prezidensial daruak nian.

"Ha'u sei serbisu hamutuk ho ema ne'ebé de'it hodi halo avansa nasaun ne'e, maibé ha'u sei la tolera atu ema ida atrapalla seguransa, prosesu demokrátiku sira no unidade sira hosi ita nia nasaun doben", Widodo hatete, akompaña hosi nia xefe militar ho líder sira seluk.

Eis-jeneral hosi forsa espesial sira, Prabowo Subianto, nia defensor sira sunu ona karreta sira ho tuda fatuk sira ho koktail "molotov" hasoru polísia ne'ebé hatán ho gás lakrimojéneu ho kilat-musan boraxa sira.

Tuir polísia, desorden ne'e iha planu no la'ós hanesan espontáneu.

Subianto lakohi admiti nia lakon ba Widodo iha eleisaun loron 17 Abril, hodi deklara aan hanesan vensedor iha eleisaun no iha planu hodi lori ba tribunal sira.

Lusa

 


Comentários

Critério de publicação de comentários