Pájina aktualizada iha 03:09h, kuarta-feira 21 Novembru

Kaer ona ema na'in 250 resin iha Jakarta tanba konfrontu sira

23 de Maio de 2019, 19:24

Pelumenus kaer ona ema na'in 257 iha Jakarta, tanba konfrontu sira ne'ebé hahú iha loron-tersa, hafoin anúnsiu hosi releisaun hosi Prezidente indonéziu, Joko Widodo, anunsia hosi polísia iha loron-kinta ne'e.


Iha konferénsia imprensa, porta-vós hosi polísia Jakarta nian, Prabowo Argo Yuwono, liga ona detensaun sira ne'e ba destruisaun hosi propriedade ho insitasaun ba violénsia.

Iha loron-kuarta kalan, manifestante sira lansa ona fatuk sira ho objetu sira seluk kontra polísia intervensaun sira, ne'ebé hatán mós ho granada gás lakrimojéneu, kilat-musan boraxa sira ho detensaun ba ema atus resin.

Pelumenus ema na'in neen mate no na'in 200 resin kanek tanba konfrontu sira entre polísia ho defensor atus resin hosi kandidatu prezidensial ida ne'ebé lakon, eis-jeneral Prabowo Subianto.

Porta-vós polísia nian indika ona katak ema sira ne'e mate tanba tiru ho agresaun sira ho objetu violentu sira. Prabowo Argo Yuwono nega ona katak autoridade sira uza kilat-musan no responsabiliza ona manifestante sira ba uzu hosi arma fogu sira.

Númeru ofisial hosi ema sira ne'ebé kanek maka na'in 200, maski fonte sira hosi hospital oioin hatete ba ajénsia notísia indonézia Antara katak númeru hosi ema sira ne'ebé kanek liu na'in 350, barak liu sai ona hosi hospital.

Iha loron-kuarta, ministru Seguransa indonéziu, Wiranto, anunsia ona katak asesu ba rede sosial sira iha zona balun sei hanesan limitadu.

Lusa

 


Comentários

Critério de publicação de comentários