Pájina aktualizada iha 21:53h, kuarta-feira 20 Novembru

Governu Angola, Timor-Leste ho São Tomé debate iha Makau kona-ba investimentu xinés sira nian

27 de Maio de 2019, 19:17

Governu sira hosi Angola, Timor-Leste ho São Tomé & Prínsipe sei iha reprezentasaun iha fórum ida iha Makau hodi ko'alia kona-ba investimentu xinés sira, iha loron 30 ho 31 Maiu, anunsia hosi organizasaun iha konferénsia imprensa ida iha loron-segunda ne'e.


Sekretáriu Estadu sira hosi Bee ho Transporte sira, Lucrécio da Costa ho Guido Waldemar da Silva Cristóvão, ministru Obra Públika, Infraestrutura sira, Rekursu Natural sira no Meiu Ambiente hosi São Tomé & Prínsipe, Osvaldo Abreu, visi-ministru hosi Obra Públika Timor-Leste nian, Nicolau Belo ho membru sira hosi Konsellu Estadu timoroan nian, José Ramos-Horta, sei marka prezensa iha Fórum Internasional dasanuluk kona-ba Investimentu ho Konstrusaun Infraestrutura sira nian (IIICF, sigla iha lian inglés).

Edisaun iha tinan ne'e hosi fórum sei hetan prezensa hosi emprezáriu sira rihun rua resin, akadémiku sira ho polítiku sira, ne'ebé governante na'in 50 resin mai hosi nasaun ho rejiaun hamutuk 40, iha eventu ida ne'ebé nia orsamentu kalkula iha pataka millaun 39 (euro millaun 4,3) no ne'ebé promove ho orientasaun hosi Ministériu Komérsiu hosi Repúblika Popular Xina no hosi Governu Makau nian.

IIICF inklui atividade hamutuk 36 hosi fórum paralelu sira, espozisaun sira, semináriu sira hosi promosaun projetu sira ho bolsa sira kontatu nian, no atividade negosiasaun komersial sira seluk, hodi operasionaliza koperasaun entre nasaun sira ne'ebé envolve iha estratéjia ne'ebé hili hosi Governu xinés “Uma Faixa, Uma Rota”, ne'ebé hakarak haree dezenvolvimentu hosi infraestrutura sira no investimentu sira iha nasaun europeu sira, aziátiku sira ho afrikanu sira.

Iha konferénsia imprensa, vogal ezekutivu hosi Institutu Promosaun hosi Komérsiu ho Investimentu Makau nian, Sam Lei, destaka ona realizasaun ne'ebé halo hamutuk ho Konferénsia dalima hosi Governador sira hosi Banku Sentral sira no hosi Kuadru sira hosi Área Finanseiru no hosi fórum seluk ida ne'ebé nia tema maka "Aumenta Papel Finansa nian hodi Motiva Koperasaun Prátika entre Xina ho Nasaun sira Lian Portugeza nian".

Lusa

 


Comentários

Critério de publicação de comentários