Pájina aktualizada iha 03:09h, kuarta-feira 21 Novembru

Empreza xineza iha interese ba ligasaun aéreu sira entre Díli ho sidade oioin

27 de Maio de 2019, 20:58

Empreza aéreu xineza Air Travel ho empreza timoroan Air Timor asina ona akordu ida ne'ebé sei permiti semo diretu entre Díli ho Hong Kong no, hafoin ne'e, ba aeroportu sira seluk iha rejiaun, hatete hosi fonte ne'ebé iha ligasaun ba prosesu ba Lusa iha semana liubá.


Tony Sum, reprezentante hosi Air Travel hatete ona ba Lusa katak iha fulan rua oinmai empreza sei iha sertifikadu ne'ebé sei permiti halo semo internasional sira no ne'ebé estratéjia maka hahú hosi Timor-Leste, asumi partisipasaun minoritáriu ida iha Air Timor ho Díli sei hanesan nia baze internasional dahuluk.

Reprezentante hosi Air Travel partisipa ona, iha loron-sesta liubá, iha enkontru ida ho responsável sira hosi Air Timor, primeiru-ministru Taur Matan Ruak, ho eis-Prezidente José Ramos-Horta, ne'ebé maka akompaña projetu, no agora nia konkretizasaun depende hosi hakat oioin ne'ebé halo hosi Governu.

"Iha ona akordu ida entre Air Timor ho Air Travel ne'ebé sei permiti code-share ida entre empreza sira hodi nune'e aviaun rai iha Díli permiti ligasaun sira ho Hong Kong no, hafoin ne'e, ho sidade sira seluk iha rejiaun", Ramos-Horta hatete.

"Ha'u akompaña Air Timor tanba ha'u tenta ajuda nasaun hodi hetan solusaun ida ba izolamentu atual ne'ebé maka ita hasoru", hatete hosi esi-xefe Estadu hodi esplika katak laiha envolvimentu ruma iha negósiu.

Tuir Tony Sum, ne'e hanesan "parseria estratéjiku ida. Ami sei iha aviaun ida ne'ebé estasionadu iha Díli, ho ekipa tékniku ida, hosi serbisu ho manutensaun nian. Ho aumentu hosi negósiu ami sei iha tan aviaun daruak iha ne'e".

Hanesan Airbus A319 ida ho kapasidade hodi "to'o sidade ruma ho dook kilómetru 4.800". nia esplika .

Harii iha Maiu 2016 ho naran Hongtu Airlines, hafoin ne'e muda naran ba Air Travel iha tinan 2018, empreza nia baze maka Aeroportu Internasional Kunming Changshui, iha provínsia Yunnan.

Air Timor, empreza ho direitu timoroan, iha ona esperiénsia kleur iha operasaun hosi semo sira entre Díli ho sidade sira hanesan Denpasar (Bali) ho Singapura, ho modelu ‘wet lease’ (aluga aviaun sira ho tripulasaun, manutensaun ho seguru sira)".

Tony Sum refere ona katak kritériu hosi negósiu maka tenta halo viajen áreu sira hosi no ba Timor-Leste sai "asesível liu", hosi esplika katak presu indikativu ba ligasaun entre Díli ho Hong Kong, hub rejional prinsipal ida, ne'ebé sei iha folin besik "dolar 300".

Iha enkontru foin lalais ne'e hosi área turizmu iha Díli, Ramos-Horta rasik hatete katak Timor-Leste hasoru "trajédia" ida tanba "sai refén maka'as hosi kompañia áreu sira hosi Austrália ho Indonézia ne'ebé atua "ho hahalok hosi ‘gangster sira nian’”, mantén folin sira aas tebes.

"Ami iha trajédia ne'e iha nasaun ne'ebé sai refén maka'as hosi "gangterizmu" aéreu ne'e hosi parte Garuda nian", hatete hosi eis-Prezidente Repúblika, hodi refere ba empreza estatal indonéziu, proprietáriu hosi empreza sira Sriwijaya e Citilink, ne'ebé semo ba Timor-Leste.

"No ami sai nafatin refén hosi AirNorth ne'ebé duni naok ida", nia afirma hodi refere ba kompañia Qantas ne'ebé mantén monopóliu ida iha semo sira entre Timor-Leste ho Austrália, iha dalan ida ne'ebé karun liu iha mundu.

Kestaun hosi folin sira viajen aéreu nian, agora daudaun, hanesan obstákulu boot ida ba turizmu iha Timor-Leste, ne'ebé hanesan fraku ona, no hasoru dezafiu sira seluk, liuliu iha nível hosi infraestrutura sira nian.

Hahú hosi loron 01 Abril maka nasaun sai izoladu liu, tanba laiha ona semo entre Díli ho Singapura, ligasaun internasional ida entre ligasaun tolu atual, ho ligasaun rua seluk, ba Bali (Indonézia) ho ba Darwin (Austrália), sai hanesan karun liu iha mundu iha presu tuir kilómetru.

Ramos-Horta hatete katak "bola agora kaer tomak hosi parte Governu", hodi afirma katak to'o ona tempu atu ezekutivu uza instrumentu internasional sira ne'ebé presiza hodi bele aumenta setór aéreu iha nasaun.

"Bainhira Governu book aan, aviaun bele to'o ona. Airbus ida ho fatin hamutuk 124, inklui fatin business ualu", nia refere hodi esplika katak empreza xineza sei asumi parte boot hosi investimentu - inklui harii hangar ida iha Díli - no ne'ebé Air Timor "iha mós fundu sira ne'ebé disponível".

Eis-Prezidente rekorda katak Air Timor hanesan empreza timoroan úniku iha área ne'e, iha funsionáriu sira ne'ebé formadu, inklui ba serbisu iha rai laran no hodi fa'an billete sira, nune'e neineik bele forma tan timoroan sira hanesan pesoal tripulasaun nian.

Semo sira ba Hong Kong karik bele "hahú lalais", no ba ligasaun sira seluk, Austrália, Indonézia ho Singapura, sei presiza atu Timor-Leste "asede ba instrumentu internasional oioin".

Tanba ne'e, Timor-Leste presiza reforsa nia kapasidade tékniku iha nível Governu nian, iha área sira hanesan sertifikasaun hosi aviaun sira ho seguransa operasional.

Lusa

 


Comentários

Critério de publicação de comentários