Pájina aktualizada iha 21:55h, kuarta-feira 20 Novembru

Ramos-Horta defende hili fali Alkatiri hodi diriji rejiaun Oecusse-Ambeno

27 de Maio de 2019, 22:32

Eis-Prezidente timoroan, José Ramos-Horta, defende ona, iha loron-segunda ne'e, katak tenki hili fali atual responsável hosi Rejiaun Administrativu Espesial Oecusse-Ambeno (RAEOA), Mari Alkatiri, ba kargu bainhira nia hakotu mandatu iha fulan-Jullu.


"Ha'u hanoin katak tenki hili fali, bainhira ne'e hanesan nia hakarak. Kona-ba infraestrutura sira, obra sira besik hotu ona maibé agora tenki kontinua ema ida hanesan Alkatiri ba faze tuirmai, ne'ebé atrai investimentu privadu sira", hatete hosi José Ramos-Horta ba Lusa.

"Infraestrutura sira iha ne'ebá, agora presiza maka investimentu privadu. Labele kontinua de'it hanesan Estadu", nia afirma hodi konsidera katak presiza ema ida hanesan Alkatiri "ho kapasidade hodi dialoga, konvense, atrai investimentu estranjeiru".

Ramos-Horta nia deklarasaun sira hato'o iha momentu ne'ebé debate hela rekondusaun ka la'e hosi Mari Alkatiri hodi diriji RAEOA no Zona Espesial hosi Ekonomia Sosial hosi Merkadu (ZEESM) enklave nian, ne'ebé nia mandatu hotu iha loron 25 Jullu.

Alkatiri hanesan líder hosi Frente Revolucionária do Timor-Leste Independente (Fretilin), partidu boot ho fatin iha parlamentu maibé agora daudaun iha opozisaun, ne'ebé nia rekondusaun kestionadu hela hosi membru sira hosi partidu sira koligasaun Governu nian.

Krítiku sira Alkatiri nian aponta ba aspetu balun hosi nia jestaun inisial iha RAEOA - bainhira fahe hamutuk ho Governu sentral - no ne'ebé hamosu ona polémika auditoria ida.

Membru sira hosi partidu sira Governu nian aponta mós katak Alkatiri bele iha influénsia iha Prezidente atual, Francisco Guterres Lu-Olo - ne'ebé mós hanesan prezidente Fretilin nian - ba desizaun sira ne'ebé polémiku liu, inklui suspende orsamentu no la fó pose ba membru balun hosi ezekutivu.

Ramos-Horta rejeita ona argumentu ne'e hodi afirma katak "la loos", hodi subliña katak xefe Estadu hanesan "independente tebes", iha "personalidade forte" ida no Alkatiri la konsege konvense nia hodi foti opozisaun ida ne'ebé la hanesan ho pozisaun ne'ebé nia defende.

"Ha'u bele garanti 100%, iha ha'u nia knaar nia laran no ha'u nia reputasaun ne'ebé ema hotu hatene, ne'ebé ha'u sai liu izentu no ekilibradu bainhira bele, katak Mari Alkatiri hanesan respeitador maka'as ba Prezidente nu'udar Prezidente hodi nia bele hakarak influensia ho dalan oioin", nia afirma.

"Fó ona nia opiniaun dala ida kona-ba orsamentu no kona-ba nomeasaun hosi membru sira Governu nian. Maibé nia la presiona Prezidente. Ha'u labele hatete saida maka nia hato'o ba PR, maibé ha'u tenki hatete katak la koresponde tebes ba buat ne'ebé nia hetan akuzasaun", nia afirma.

Alkatiri hetan nomeasaun ba mandatu durante tinan lima hosi dekretu prezidensial ida ne'ebé asina iha loron 25 Jullu 2014 hosi xefe Estadu (ne'ebé agora daudaun nu'udar primeiru-ministru), Taur Matan Ruak, no ho baze hosi proposta ida hosi xefe Governu iha momentu ne'ebá, Xanana Gusmão.

Lei tinan 2014 nian ne'ebé kria RAEOA no Zona Espesial hosi Ekonomia Sosial hosi Merkadu (ZEESM) iha Oecusse-Ambeno defini katak bainhira ema ida la okupa kargu ne'e, Prezidente autoridade nian tenki hili iha prazu loron 120 nia laran.

Lusa

 


Comentários

Critério de publicação de comentários