Pájina aktualizada iha 21:57h, kuarta-feira 20 Novembru

Tribunal dekreta prizaun preventivu ba filipinu ne'ebé suspeita halo tráfiku droga

04 de Junho de 2019, 18:49

Tribunal Distrital Díli dekreta ona prizaun preventivu ba sidadaun filipinu na'in ida hosi sidadaun filipinu na'in tolu ne'ebé hanesan suspeitu iha envolvimentu iha kazu tráfiku droga ne'ebé maka kaer mós ema timoroan na'in rua iha Indonézia.


Ema na'in rua seluk ne'ebé maka prende hetan Termu Identidade ho Rezidénsia (TIR) hafoin interogatóriu dahuluk ida iha tribunal no sei hala'o hela investigasaun sira.

Defeza protesta ona medida koasaun ne'ebé aplika, hodi afirma katak la kumpri rekizitu sira ba prizaun preventiva, hodi hatete katak sei reklama ba desizaun.

Sidadaun filipinu na'in tolu kaer iha loron 30 Maiu iha bairu ida iha Díli no aprezenta ba tribunal liutiha oras 72 ne'ebé previstu iha lei.

Autoridade timoroan sira deskonfia katak ema na'in tolu bele iha envolvimentu iha kazu hosi kaben-na'in timoroan ida ne'ebé, iha semana liubá, polísia kaer iha fronteira terestre ida entre Indonézia ho Timor-Leste tanba lori droga ba nasaun.

Kaben-na'in ne'e lori ai-moruk hamutuk 4.874 ne'ebé deskonfia hanesan ecstasy, ne'ebé sira lori subar iha saku oioin iha impresora ida nia laran.

"Sira hanesan pasajeiru ne'ebé maka tama daudaun. Ami halo inspesaun kona-ba saida maka sira lori iha raiu-X no ami hetan droga. Tau iha saku plástiku ida iha impresora ida nia laran", esplika hosi responsável alfándega Atambua nian, Tribuana Wetangterah, iha semana liubá.

To'o agora, seidauk hatene karik kaben-na'in ne'e hatene ka la'e katak sira lori droga.

Tráfiku droga iha Indonézia hetan kastigu sira ne'ebé todan inklui kastigu mate.

Autoridade timoroan sira konfirma ona katak sira fó ona kuidadu konsular normal sira apoiu nian ba ema na'in rua ne'ebé polísia kaer. Laiha akordu estradisaun entre nasaun rua.

Lusa

 


Comentários

Critério de publicação de comentários