Pájina aktualizada iha 21:53h, kuarta-feira 20 Novembru

Kaer ona mane ida ne'ebé tiru mate ema na'in lima iha Darwin

04 de Junho de 2019, 22:33

Pelumenus ema na'in lima mate tanba hetan tiru, iha loron-tersa ne'e, iha fatin oioin iha sidade australianu Darwin, iha Teritóriu Norte, no kaer ona suspeitu hosi tiru sira ne'e, ho tinan 45, informa hosi polísia rejional.


Fonte hosi Serbisu Saúde rejional konfirma ona ba ABC News katak pelumenus ema na'in rua seluk kanek no agora daudaun iha Royal Darwin Hospital.

Sasin sira ne'ebé haktuir hosi imprensa australianu refere katak mane ida ho kilat ida tama iha Hotel Palms, iha sentru Darwin nian, dispara hasoru odamatan ida hosi kuartu ida.

Rezidente sira refere insidente ida seluk, iha zona Gardens Hill Crescent, laiha sentru sidade, ne'ebé mane ida mate tanba hetan tiru, ida seluk iha pub ida, ne'ebé iha tiru oioin, iha zona ida ho asesu ba kapital.

Polísia hatete katak mane ne'e halai durante pelumenus oras ida maibé hafoin ne'e konsege kaer ona.

Imajen sira hosi momentu detensaun nian fó sai hosi televizaun ABC.

Seidauk iha informasaun kona-ba motivu hosi suspeitu ba mate sira ne'e.

Lusa

 


Comentários

Critério de publicação de comentários