Pájina aktualizada iha 21:53h, kuarta-feira 20 Novembru

Xina emiti alerta viajen ba EUA tanba "presaun" hosi autoridade sira

04 de Junho de 2019, 23:18

Iha loron-tersa ne'e, Xina emiti ona alerta viajen ida, hodi hatete katak vizitante xinés sira hetan daudaun interogasaun no submete ba dalan sira seluk "presaun" nian iha Estadus Unidus, nune'e maka disputa komersial sira afeta daudaun relasionamentu bilateral.


Komunikadu husu ba sidadaun xinés sira no ba entidade sira ne'ebé selu hosi Xina iha Estadus Unidus hodi aumenta alerta kona-ba nia seguransa, hili medida preventivu sira no hatán "apropriadu ho ativamente".

Avizu ne'e akontese iha momentu ne'ebé aumenta tensaun ba funu komersial entre nasaun rua.

Iha loron hanesan, ministériu Kultura ho Turizmu Xina nian fó sai ona alerta viajen seluk, hodi aponta ba frekuénsia maka'as hosi tiruteiu sira, naok sira iha EUA.

Ministériu Edukasaun xinés mós alerta ona estudante sira ho akadémiku xinés sira ba "aumentu hosi susar sira" hodi vizita EUA.

"Emisaun hosi vistu sira ba estudante xinés sira iha Estadus Unidus sai susar daudaun. Períudu revizaun ba vistu aumenta ona, períudu validade nian hamenus ona no taxa rejeisaun nian aumenta", hatete hosi ministériu Edukasaun xinés iha momentu ne'ebé estudante barak prepara hodi husu vistu ba tinan letivu oinmai.

"Ne'e afeta daudaun estudante xinés sira iha Estadus Unidus hodi hakotu sira nia estudu hanesan baibain ka hodi iha susesu", hakerek iha komunikadu.

Nota hanesan fó korajen ba aman-inan xinés sira hodi avalia ho di'ak risku sira hodi vizita nasaun.

Governu hosi nasaun ekonomia boot rua iha mundu hala'o ona taxa alfandegáriu sira kontra sasán importadu hosi nasaun rua ne'e hamutuk dolar biliaun atus resin.

Washington tau mós empreza boot telekomunikasaun Huawei iha lista negra, ne'ebé bandu empreza sira hosi EUA hodi fornese "chip sira", semikondutor sira, software ho komponente sira seluk, lahó aprovasaun hosi Governu.

Pekin hatán ho taxa adisional sira hasoru sasán hamutuk dolar millaun 60.000 ne'ebé halo iha EUA ne'ebé hahú hala'o ona iha findesemana ne'e, no ameasa ona estabele nia lista rasik ba "entidade sira ne'ebé la konfia", ne'ebé sei halo parte empreza sira ho partikular estranjeiru sira.

Lusa

 


Comentários

Critério de publicação de comentários