Pájina aktualizada iha 16:02h, sesta-feira 23 Agostu

Air Timor ho indonéziu Transnusa anunsia semo entre Díli ho Kupang ba fulan-Juñu

05 de Junho de 2019, 18:38

Air Timor ho indonéziu Transnusa konkorda ona hodi halo hahú loron 14 Juñu serbisu hamutuk ida ho ligasaun aéreu sira entre kapital rua hosi illa Timor nian, Díli ho Kupang, fó sai ona hosi responsável sira hosi empreza timoroan nian.


Syed Abdul Rahman, diretór hosi Air Timor, hatete ona ba Lusa katak semo dahuluk sei halo iha loron 14 Juñu no antesipa katak billete sira ba semo inaugural sei hahú fa'an iha loron 10 ho 11 Juñu.

Responsável hosi Air Timor hatete katak prosesu burokrátiku ho tékniku "besik hakotu ona", hodi refere katak sei kalkula katak iha fulan dahuluk operasaun nian sei iha viajen sira ho folin promosional ho dolar 45 (euro 40) tuir trajetu.

Folin ne'e depois sei pasa ba folin médiu ida entre dolar 80 no 100 (entre euro 71 no 88,6) ho viajen previstu rua tuir semana ida, iha faze dahuluk, iha loron-segunda sira ho loron-sesta sira.

Transnusa, marka hosi grupu indonéziu PT TransNusa Aviation Mandiri, hanesan kompañia aéreu indonéziu ida ne'ebé halo operasaun iha leste nasaun nian, liuliu iha zona sira hosi Nusa Tenggara ho Sulawesi no nia baze maka iha aeroportu El Tari, Kupang, kapital hosi metade indonéziu hosi illa Timor nian.

Empreza ne'e lansa iha tinan 2005 no mantén ligasaun sira hahú hosi Kupang ba destinu oioin, ba dala uluk ho aviaun charter sira hosi Pelita Air ho Trigana Air, no hahú tinan 2011 ho nia Sertifikadu hosi Operador Aéreu (AOC) rasik. Empreza agora daudaun iha frota ida ho aparellu sanulu.

Semo bele oferese solusaun alternativu ida ba sé maka hakarak sai hosi Timor-Leste no evita folin aas sira ne'ebé maka halo daudaun hosi empreza indonéziu sira hosi grupu Garuda iha ligasaun entre Díli ho Bali no hosi australianu AirNorth, to'o Darwin.

Billete sira ba destinu sira ne'e, úniku sira ne'ebé maka Timor-Leste agora daudaun iha ba ligasaun estranjeiru sira, kusta entre dolar 200 no 300 (entre euro 177,2 no 266) tuir trajetu.

Maski nune'e, dalan foun sei implika folin hanesan iha ligasaun entre Díli ho Bali, hanesan ezemplu, tanba ligasaun to'o Kupang sei kusta entre dolar 80 no 100 no hosi Kupang to'o Bali sei iha folin besik dolar 100 tuir trajetu.

La'ós ba dala uluk maka Air Timor halo operasaun semo entre Díli ho Kupang tanba halo ona semo oioin durante períudu badak ida entre final tinan 2017 nian no inísiu tinan 2018, ne'ebé halo semana ida dala tolu maibé hafoin ne'e hapara tiha tanba razaun komersial sira.

Lusa

 


Comentários

Critério de publicação de comentários