Pájina aktualizada iha 20:15h, tersa-feira 18 Juñu

Timor-Leste halo intervensaun ba tribunal australianu kona-ba kompeténsia hodi julga kesar hosi empreza

05 de Junho de 2019, 19:40

Governu timoroan halo intervensaun ba desizaun hosi Tribunal Supremu Victoria nian, iha Austrália, ne'ebé alega kompeténsia hodi julga kesar ida hosi empreza australianu ida hasoru Ezekutivu iha ámbitu hosi akordu ida ba fornesimentu hosi kombustível ho jerador sira.


"Governu Timor-Leste apela ona desizaun hosi Supremu Tribunal Victoria nian hodi konsede ba Lighthouse Corporation Pty Ltd ho ba Lighthouse Corporation IBC direitu hodi rona nia kazu hasoru Repúblika Demokrátika Timor-Leste ho nia departamentu eletrisidade nian (EDTL) iha Victoria", refere iha deklarasaun ida, hodi Governu timoroan nia naran, ne'ebé haruka ba Lusa.

"Timor-Leste fiar katak juís (…) tenki konsidera katak [Estadu australianu hosi] Victoria hanesan fórum ida ne'ebé la adekuadu tebes hodi rona konflitu ne'e, tanba relevánsia hosi lei timoroan hodi determina ezisténsia hosi kontratu ida (kestaun ida ne'ebé maka sai hanesan konflitu iha kazu) no fator sira seluk ne'ebé liga kazu ba Timor-Leste", subliña iha komunikadu.

Iha fulan-Maiu, juís Peter Almond, hosi sesaun komersial hosi Tribunal Supremu Victoria nian, rejeita ona argumentu sira hosi Governu timoroan ne'ebé kestiona jurisdisaun hosi tribunal ne'e hodi rona kesar hosi australianu Lighthouse, tanba alegasaun ba inkumprimentu hosi kontratu ida ba fornesimentu hosi kombustível ho jerador sira iha tinan 2010.

Lighthouse hakarak atu Governu timoroan selu estraga sira ho dolar millaun 328 (euro millaun 292), ho juru sira no kustu sira, tanba konsidera katak Timor-Leste viola ona kontratu sira.

Advogadu sira hosi DL Piper, hodi reprezenta Timor-Leste, defende ona katak Tribunal Supremu Victoria nian laiha jurisdisaun hodi rona kazu ne'e tanba konsidera katak iha kauza maka "asaun sira hosi Estadu", nune'e instituisaun hanesan fórum ida ne'ebé la adekuadu hodi rezolve konflitu ne'e.

Almond fó ona razaun ba advogadu sira hosi Lighthouse hodi konsidera katak iha kauza maka tranzasaun komersial ida no rejeita mós katak Timor-Leste tenki sai hanesan fatin hodi rona konflitu ne'e, hodi konsidera katak iha "fator signifikativu sira hosi ligasaun ba Victoria", inklui faktu tanba kontratu refere klaru tebes katak hanesan governa tuir lei sira ne'ebé hala'o iha Estadu australianu ne'e.

Komunikadu repete pozisaun hosi Governu Timor-Leste nian katak seidauk iha kontratu vinkulativu ida ho empreza australianu, hodi haree katak desizaun hosi Supremu Tribunal "tuir tentativa frustadu ida hosi Lighthouse iha 2015 hodi nune'e konflitu ne'e bele rona hosi Sentru Internasional hosi Rezolusaun ba Diferendu sira hosi Investimentu" (ICSID iha sigla iha lian inglés), ne'ebé "determina ona katak laiha jurisdisaun hodi rona kazu".

Iha okaziaun, tribunal ne'e konsidera ona katak laiha jurisdisaun kona-ba konflitu ne'e, responsabiliza Lighthouse Corporation ba kustu total sira hosi prosesu arbitrajen nian, "inklui kustu sira tribunal nian", no selu ba Timor-Leste osan dolar millaun 1,5 resin (euro millaun 1,3) "relasiona ho kustu sira ho despeza legal sira".

Iha komunikadu sustenta katak "maski nega apelasaun no kazu kontinua iha Victoria, Governu Timor-Leste senti konfiante iha nia pozisaun legal kona-ba falta kontratu entre parte sira".

Iha kauza maka dokumentu tolu ne'ebé asina entre Outubru ho Novembru tinan 2010 ba fornesimentu hosi kombustível ho jerador sira ba Timor-Leste, asina iha momentu ne'ebá hosi primeiru-ministru Xanana Gusmão ho emprezáriu sira Carlos Oliveira, hosi Zebra Fuels (Timor-Leste), ho Albert Jacobs, hosi Lighthouse (Austrália).

Iha tinan 2010, empreza australianu aprezenta ona proposta ida ba konjéneru timoroan ba proposta ida hodi fornese kombustível litru millaun hitu resin fulan-fulan, durante períudu mínimu ida ba tinan lima.

Hala'o ona negosiasaun sira iha fulan hirak tuirmai no inklui ona karta ida ho intensaun sira katak Governu timoroan hakarak halo sosa dahuluk ida ho litru millaun 7,5 ba Zebra Fuel.

Maibé, tuir dokumentasaun judisial, Timor-Leste desidi ona hodi la avansa ho proposta dahuluk, no asina ona kontratu ida ho empreza timoroan seluk, Timor Oan It (ETO), ba fornesimentu entre loron 30 Agostu 2010 ho Fevereiru 2011.

Iha Outubru tinan 2010, Lighthouse aprezenta ona proposta foun ida no, "hahú iha momentu ne'ebá, negosiasaun sira ba akordu fornesimentu kombustível nian avansa lalais tebes".

Xanana Gusmão hakerek ona ba empreza australianu hodi informa katak iha interese boot ida iha proposta fornesimentu kombustível ho jerador sira.

Lighthouse hatete katak akordu sira ne'ebé halo entre parte sira kalkula entrega hosi Governu hosi Letra Kréditu ida maibé nunka hala'o hosi ezekutivu timoroan.

Iha inísiu tinan 2011, jerador rua ne'ebé enkomenda hosi Lighthouse ba Cummins South Pacific "fornese ona ba Timor-Leste", liuhosi Lighthouse tenki fatura ba Governu ho folin aas ida ba 200% kona-ba nia valor inisial.

Governu hafoin ne'e selu jerador sira diretamente ba Cummins, refere hosi testu.

Lusa

 


Comentários

Critério de publicação de comentários