Pájina aktualizada iha 20:39h, tersa-feira 18 Juñu

Putin sei mantén apoiu tékniku maibé la aumenta prezensa militar iha Venezuela

06 de Junho de 2019, 22:47

Prezidente Rúsia, Vladimir Putin, afirma fali iha loron-kinta katak Moskovo laiha intensaun ruma hodi aumenta númeru hosi militar sira iha Venezuela ka inslara baze militar sira iha nasaun ne'e.


Putin, ne'ebé ko'alia iha marjen hosi Fórum Ekonómiku ne'ebé hala'o hela iha Saun Petersburgo, iha Rúsia, hatete katak espesialista rusu sira iha hela Venezuela iha koperasaun tékniku ba serbisu hosi arma sira ne'ebé halo iha Rúsia ne'ebé maka sosa hosi Caracas.

Putin, ne'ebé iha loron-kinta ne'e hasoru malu ho líder sira hosi ajénsia notísia internasional sira, hatán ona ba kestaun ida kona-ba ‘tweet’ ida ne'ebé publika hosi Prezidente norte-amerikanu iha inísiu semana ne'e ne'ebé hatete katak Moskovo informa ona Washington katak sei sai hosi Venezuela.

"Ami sei la kria baze ruma ka sei la haruka tropa sira ba ne'ebá", Putin admiti no hatutan katak nia hakarak mantén nia obrigasaun sira hosi koperasaun militar ho tékniku.

Prezidente rusu aproveita mós hodi afirma katak kastigu sira hosi Estadus Unidus hasoru Venezuela prejudika ona populasaun sira iha nasaun no aviza fali Washington kontra uzu forsa nian.

Lusa

 


Comentários

Critério de publicação de comentários