Pájina aktualizada iha 20:39h, tersa-feira 18 Juñu

Juncker "preokupadu tebes" ho funu komersial entre EUA ho Xina

07 de Junho de 2019, 18:14

Prezidente Komisaun Europeia, Jean-Claude Juncker, iha loron-kinta ne'e hatudu "preokupasaun maka'as" ho funu komersial entre Estadus Unidus ho Xina tanba efeitu negativu ne'ebé bele akontese iha ekonomia sira iha nível mundial.


"Konsekuénsia dahuluk maka diminuisaun hosi aumentu ekonómiku iha mundu", realsa hosi Juncker iha konferénsia imprensa ida iha sidade eslovenu Brdo pri Kranju, iha noroeste Liubliana.

Prezidente hosi Komisaun Europeia konsidera "la nesesáriu" tensaun komersial sira ne'ebé Washngton no Pekin mantén durante fulan hirak nia laran ho aumentu hosi impozisaun hosi taxa importasaun sira hosi parte rua.

Situasaun hamosu preokupasaun kona-ba nia impaktu iha evolusaun hosi ekonomia global no, iha Abril, Fundu Monetáriu Internasional (FMI) hamenus désimu rua hosi nia previzaun kona-ba aumentu mundial ba 3,3%.

"Ha'u senti preokupadu tebes ho dezenvolvimentu ne'e. Bainhira parte rua (EUA ho Xina) la konsege hetan solusaun di'ak ba konflitu ne'e, ne'ebé la hanesan nesesáriu, sei ladi'ak ba komérsiu, ba interkámbiu, ba dezenvolvimentu sosial mós iha kontinente ne'e no iha parte sira seluk iha mundu", Juncker hatete.

Jean-Claude Juncker halo deklarasaun sira ne'e bainhira hakotu reuniaun "Inisiativu hosi Tasi Tolu" (Adriátiku, Báltiku ho Negru) ne'ebé destina hodi promove projetu infraestrutura sira no enerjia iha nasaun sira hosi Europa Sentral, iha Báltiku no iha Balkan.

Estadus Unidus ho Xina trava, dezde veraun liubá, funu komersial ida no teknolójiku ne'ebé maka sai aat ba nafatin.

Governu hosi ekonomia boot rua iha mundu uza ona taxa alfandegáriu sira hasoru sasán importadu hosi nasaun rua hamutuk dolar biliaun atus resin.

Washington tau mós empreza telekomunikasaun boot xineza Huawei iha lista metan ne'ebé hodi bandu empreza sira EUA nian hodi fornese 'chips', semikondutor sira, software no komponente sira seluk, hodi presiza hetan aprovasaun hosi governu.

Pekin responde ho taxa adisional sira hasoru sasán ne'ebé halo iha EUA hamutuk dolar millaun 60.000 ne'ebé hahú halo iha inísiu Juñu no ameasa ona estabelese nia lista rasik hosi "entidade sira ne'ebé la konfia", ne'ebé sei halo parte empreza sira ho partikular estranjeiru sira.

Lusa

 


Comentários

Critério de publicação de comentários