Pájina aktualizada iha 20:03h, tersa-feira 18 Juñu

Primeiru-Ministru ba parlamentu hodi debate konta rejional sira ho kazu iha justisa australianu

12 de Junho de 2019, 19:04

Primeiru-ministru partisipa iha loron 01 Jullu iha Parlamentu Nasional iha debate ida kona-ba polémika rua ne'ebé marka ona debate polítiku foun sira: konta sira hosi rejiaun Oecusse ho kazu ida ne'ebé envolve Estadu iha justisa australianu.


Xefe Governu, Taur Matan Ruak, konfirma ona disponibilidade hodi partisipa iha debate, ne'ebé previstu ba loron 01 Jullu, iha karta ida ne'ebé haruka ba prezidente Parlamentu Nasional, Arão Noé Amaral, no ba membru oioin Governu nian.

Debate ne'e husu ona hosi bankada Frente Revolucionária do Timor-Leste Independente (Fretilin), partidu boot ho fatin iha parlamentu no agora daudaun iha opozisaun, iha fulan-Maiu nia rohan.

Iha kauza maka kestaun rua ne'ebé maka debate beibeik hosi bankada sira hosi Governu no hosi opozisaun no ne'ebé sai nafatin hanesan asuntu hosi debate parlamentar boot sira.

Hosi parte ida, bankada sira Governu nian hakarak esklaresimentu kona-ba prosesu hosi prestasaun ba konta sira hosi Rejiaun Administrativu Espesial Oecusse-Ambeno (RAEOA), liuliu tanba kestaun hosi enklave ne'ebé la halo parte iha sistema “Free Balance”, ne'ebé uza hosi Governu.

Kestaun hosi konta sira rejiaun nian uza nafatin hosi partidu sira hosi Governu hodi ataka jestaun hosi rejiaun ne'ebé agora daudaun prezidi hosi Mari Alkatiri, sekretáriu-jeral Fretilin nian.

Debate ne'e mosu iha momentu ida ne'ebé mandatu hosi Mari Alkatiri hodi diriji RAEOA besik hotu ona no laiha indikasaun loloos kona-ba atu hili fali nia iha kargu ka la'e.

Congresso Nacional da Reconstrução Timorense (CNRT), partidu boot hosi koligasaun Governu nian, defende, iha nia pájina Facebook, katak lalika hili fali Alkatiri.

Iha parte seluk iha kestaun hosi kesar ida hosi empreza australianu ida hasoru Ezekutivu timoroan iha ámbitu hosi akordu fornesimentu ida ba kombustível no jerador sira, ne'ebé akontese hela iha Tribunal Supremu hosi estadu australianu Victoria nian.

Fulan ne'e, Governu halo ona intervensaun hosi desizaun Tribubal nian, ne'ebé alega ona kompeténsia hosi julga kazu, hodi konsidera katak kazu ne'e tenki rona iha tribunal sira timoroan nian.

Lighthouse hakarak atu Governu timoroan selu estraga sira hamutuk dolar millaun 328, hamutuk ho juru ho kustu sira, tanba konsidera katak Timor-Leste viola ona kontratu sira.

Iha kauza maka dokumentu tolu ne'ebé asina entre Outubru ho Novembru tinan 2010 ba fornesimentu hosi kombustível ho jerador sira ba Timor-Leste, ne'ebé asina iha momentu ne'ebá hosi primeiru-ministru Xanana Gusmão no hosi emprezáriu sira Carlos Oliveira, hosi Zebra Fuels (Timor-Leste), ho Albert Jacobs, hosi Lighthouse (Austrália).

Agora daudaun, Xanana Gusmão hanesan líder hosi CNRT, partidu boot hosi Governu.

Lusa

 


Comentários

Critério de publicação de comentários