Pájina aktualizada iha 07:59h, sabado 18 Agostu

Governu aprova komisaun interministerial ba área turizmu nian

12 de Junho de 2019, 21:01

Iha loron-kuarta ne'e, Governu aprova ona kriasaun ba komisaun interministerial ida ba dezenvolvimentu turizmu nian, área ne'ebé ezekutivu konsidera hanesan prioritáriu maibé to'o agora ladún hetan atensaun no iha orsamentu ne'ebé ki'ik.


Iha komunikadu, ezekutivu esplika ona katak komisaun sei reforsa "mekanizmu sira kordenasaun nian no kolaborasaun intersetorial ho interministerial hodi aumenta kompetividade nasaun nian bainhira hanesan destinu turístiku ho kualidade di'ak tebes".

Ezekutivu sustenta katak turizmu "hanesan baze importante ida hosi dezenvolvimentu ekonómiku, sosial ho ambiental hosi Timor-Leste, importante ba nia aumentu sustentável" no komisaun sei prepara Planu Diretor Turizmu nian.

Komisaun sei prezidi hosi ministru Kordenador ba Asuntu Ekonómiku sira no kompostu hosi ministru sira ne'ebé responsável ba área sira turizmu nian, ordenamentu teritóriu nian, transporte ho komunikasaun, interior, kultura, ambiente, koperativu ho formasaun profisional ho empregu.

Kestaun sira hanesan análize hosi inisiativu lejistivu sira ho promosaun hosi "artikulasaun interdepartamental iha implementasaun ho ezekusaun hosi Planu Diretor Turizmu nian" halo parte iha ajenda komisaun nian.

Livru orsamental sira iha tinan ne'e konsidera turizmu hanesan prioridade dalima entre prioridade sia sira hosi ezekutivu, destina dolar millaun 11,25 ba promosaun hosi "dezenvolvimentu hosi área Turizmu nian".

Ministériu Turizmu, Komérsiu ho Indústria destina, ba tinan ne'e, osan besik dolar millaun 7,78 no millaun 1,66 hanesan destina ba saláriu no vensimentu sira no millaun tolu resin destina ba programa "governasaun di'ak ho jestaun institusional".

Fundu hosi Infraestrutura sira - ne'ebé iha 2019 iha orsamentu total ida kuaze dolar millaun 280 - dedika tinan ne'e (hanesan iha tinan hirak ikus ne'e) folin ida ne'ebé ladún signifikativu ba turizmu, ho alokasaun ida hamutuk dolar rihun 271 de'it.

Folin viajen sira ba Timor-Leste ne'ebé karun no falta infraestrutura adekuadu sira agora daudaun sai hanesan obstákulu prinsipal sira ba área ne'e iha Timor-Leste.

Maibé, iha ámbitu seluk, Konsellu Ministru sira aprova ona iha loron-kuarta ne'e nomeasaun hosi Francisco Kalbualdi Lay nu'udar Autoridade Nasional ba Expo 2020 Dubai.

Lay, ne'ebé hili hodi kaer knaar nu'udar ministru Kordenador ba Asuntu Ekonómiku sira maibé nunka simu pose, sei sai nu'udar responsável hodi konstitui no nomeia komisaun organizadora ida hodi reprezenta Timor-Leste iha Expo 2020, espozisaun mundial ida ne'ebé sei hala'i iha Dubai, Emiradu Árabe Unidu, entre loron 20 Outubru 2020 to'o 10 Abril 2021.

Lusa

 


Comentários

Critério de publicação de comentários