Pájina aktualizada iha 01:24h, domingu 16 Setembru

Vídeo falsu hosi fundador Facebook nian fó sai iha rede sosial Instagram

12 de Junho de 2019, 22:01

Vídeo manipuladu ida liuhosi intelijénsia artifisial ho imajen hosi fundador Facebook nian, Mark Zuckerberg, mosu iha Instagram, nia plataforma ida, divulga hosi meiu komunikasaun norte-amerikanu sira iha loron-kuarta ne'e.


"Imajen ne'e tuir segundu ida: mane ida ho kontrolu total hosi informasaun sira ne'ebé naok hosi ema biliaun resin, sira nia segredu, sira nia moris, sira nia futuru", afirma, ho dalan manipuladu, Mark Zuckerberg.

"Ha'u deve buat sira ne'e hotu ba Spectre. Spectre hatudu mai ha'u katak sé maka kontrola informasaun sira, kontrola futuru", refere Zuckerberg iha vídeo manipuladu.

Vídeo ne'e kria hosi empreza israelita Canny AI no hosi artista sira Bill ho Daniel Howe.

Aleinde vídeo hosi Zuckerberg, aprezenta ona vídeo sira ho Prezidente EUA nian, Donald Trump, atór norte-amerikanu Morgan Freeman, selebridade Kim Kardashian ka artista sérvia Marina Abramovic.

Vídeo manipuladu sira ne'e koñesidu hanesan "deepfake" tanba téknika sira hosi intelijénsia artifisial ne'ebé uza hodi dezenvolve sira ho rezultadu ne'ebé hanesan realista tebes.

Iha fulan liubá, Facebook lakohi halakon hosi nia plataforma vídeo falsu ida hosi prezidente Kámara Reprezentante hosi Estadus Unidus, Nancy Pelosi, maski empreza tenki asegura katak sei hamenus alkanse vídeo nian no blokeia insentivu ekonómiku sira, no medida sira seluk, hanesan halo iha situasaun sira ne'ebé hanesan.

Hasoru dilema kona-ba saida maka halo ho vídeo Zuckerberg nian, porta-vós ida hosi Instagram asegura ona ba media hosi EUA katak laiha hanoin atu halakon vídeo.

"Ami trata konteúdu ne'e hanesan ho dalan oinsá ami trata desinformasaun sira iha Instagram, bainhira ema seluk marka hanesan falsu, ami sei filtra hosi plataforma sira rekomendasaun hosi Instagram hanesan Explore ka pájina sira ‘tag sira nian’", haktuir hosi Instagram.

Rede sosial Facebook hasoru nafatin eskándalu sira privasidade nian no divulgasaun hosi informasaun falsu sira.

Lusa

 


Comentários

Critério de publicação de comentários