Pájina aktualizada iha 03:09h, kuarta-feira 21 Novembru

Schengen kondisiona vistu sira ho durasaun badak iha rejimi mobilidade iha CPLP

12 de Junho de 2019, 23:39

Ministru Negósiu Estranjeiru portugés afirma, iha loron-kuarta ne'e, katak futuru rejimi mobilidade nian iha CPLP sei hanesan susar, iha vistu sira ho durasaun badak, tanba akordu europeu Schengen nian, ne'ebé Brazil ho Timor-Leste maka iha de'it izensaun.


Augusto Santos Silva, ne'ebé ko'alia iha komisaun hosi Negósiu Estranjeiru ho Komunidade Portugeza sira hosi Asembleia Repúblika, esplika ona katak Portugal apoia "liberdade máxima hosi posibilidade sirkulasaun" iha Komunidade hosi Nasaun sira Lian Portugeza (CPLP) nian maibé iha limitasaun tanba akordu internasional sira, hanesan ne'ebé maka estabelese iha Schengen, livre sirkulasaun iha Uniaun Europeia (UE).

Maibé ministru garanti katak, iha kazu hosi estadia sira ho durasaun kleur, "ba efeitu sira estudu, serbisu ka atividade emprezarial", "dispozisaun sira ne'ebé ezisti ohin loron hanesan hosi natureza nasional ho disponibilidade Portugal nian maka akompaña rejimi hosi liberdade máximu hosi posível sirkulasaun iha CPLP nia laran".

"Lójika hosi rejimi mobilidade nian maka posibilidade ba máxima sirkulasaun, konsidera katak nasionalidade, sai nasional hosi nasaun ida CPLP nian, hanesan razaun maka'as hodi sirkula livre - ho títulu viajante, maibé mós, no liuliu, hosi estudante no traballador - iha nasaun ruma hosi komunidade", hatete hosi ministru ba deputadu sira.

"Hanesan evidente tuir limiti sira hosi akordu internasional sira ne'ebé maka nasaun sira halo parte, signifika katak, iha vistu sira ho durasaun badak, kona-ba Portugal, ne'e sei halo iha posibilidade baerta sira iha rejimi Schengen nia laran, ne'ebé iha nasaun rua hosi CPLP maka la presiza vistu ba durasaun badak, Brazil ho Timor-Leste, maibé nasaun sira seluk hosi komunidade laiha", nia esplika.

Santos Silva ko'alia ho deputadu sira kona-ba preparasaun hosi reuniaun foun hosi ministru sira Negósiu Estranjeiru CPLP nian, ne'ebé sei halo iha 19 Jullu iha Mindelo, Cabo Verde, ne'ebé sei ko'alia kona-ba akordu mobilidade nian hosi organizasaun ne'e.

Projetu hosi akordu jurídiku ba rejimi ne'e, aprezenta iha Abril hosi prezidénsia kabu-verdianu CPLP nian, "trata hela iha nível tékniku" no "espetativu di'ak liu maka atu ministru sira Negósiu Estranjeiru nian bele ko'alia no valida serbisu ne'ebé hala'o".

Santos Silva hatete mós katak hein atu bele aprova akordu iha simeira tuirmai hosi organizasaun ne'ebé sei halo iha Luanda iha tinan 2020.

"Ami serbisu atu akordu ne'e bele hetan aprovasaun hosi xefe sira Estadu ho Governu nian iha simeira tuirmai […] hakotu nune'e ho dalan di'ak tebes prezidénsia kabu-verdianu ho sekretariadu ezekutivu portugés", nia hatete.

Portugal, Angola, Brazil, Cabo Verde, Guiné-Bissau, Guiné Ekuatorial, Mosambike, São Tomé & Prínsipe ho Timor-Leste halo parte iha CPLP.

Lusa

 


Comentários

Critério de publicação de comentários