Pájina aktualizada iha 10:41h, sesta-feira 19 Jullu

Koligasaun hosi Governu timoroan hasoru malu hodi "hametin" kordenasaun

14 de Junho de 2019, 21:51

Koligasaun hosi Governu timoroan hasoru malu iha findesemana, iha Díli, hodi halo pontu situasaun governativu ida no hametin kordenasaun ho parlamentu no partidu sira, hatete hosi númeru daruak hosi partidu boot ba Lusa iha loron-kinta ne'e.


"Ha'u konvoka ona reuniaun ne'e hodi hadi'a kordenasaun no jestaun ba futuru", esplika hosi sekretáriu-jeral hosi Congresso Nacional da Reconstrução Timorense (CNRT) no responsável hosi diretivu nasional hosi Aliansa Mudansa ba Progresu (AMP), koligasaun Governu nian, Francisco Kalbuadi Lay, ba Lusa.

Lay hatete katak reuniaun ne'e konvoka hafoin enkontru hosi líder sira CNRT nian, Xanana Gusmão, hosi Partidu Libertasaun Popular (PLP), Taur Matan Ruak (atual primeiru-ministru) ho José Naimori, hosi Kmanek Haburas Unidade Nacional Timor Oan (KHUNTO).

AMP manán ona lejislativu sira tinan 2018 nian ho maioria absoluta.

Enkontru ne'e sei hetan partisipasaun hosi membru sira Governu ho Parlamentu Nasional no hosi Komisaun Polítika Nasional (CPN) hosi partidu ida-idak nian.

Agora daudaun, Francisco Kalbuadi Lay la ko'alia kona-ba movimentu sira iha Governu hodi afirma katak hanesan importante hatene, ho tinan ida Governu nian no kuaze metade tinan governasaun nian iha 2019, "oinsá nia lala'ok".

Hatán kona-ba alegadu dezentendimentu entre militante sira CNRT nian kona-ba asaun governativu, Lay afirma fali "konfiansa máximu iha Taur Matan Ruak hodi lidera Governu ne'e to'o rohan" no admiti hanesan normal atu iha "falla ida iha ne'e ka iha parte seluk".

"Hanesan partidu tolu, dalaruma iha falla. Tanba ne'e, ami sei tuur hamutuk no ha'u fiar atu ami hotu bele fó ami nia konfiansa tomak ba Taur Matan Ruak hodi lidera Governu daualuk ne'e to'o rohan", nia afirma.

Kona-ba mamuk ruma iha lian polítika CNRT nian iha ezekutivu, Kalbuadi Lay rekorda katak ne'e akontese tanba "membru na'in sia laiha prezensa" iha ezekutivu.

"Ami iha ne'e kuaze tinan ida ona no situasaun la muda. Maski nune'e, asaun sira la'o daudaun", nia hatete.

Reuniaun akontese liutiha tinan ida hosi pose hosi membru dahuluk sira Governu nian, ho Prezidente Repúblika, Francisco Guterres Lu-Olo, rekuza naran na'in 12, ho argumentu katak sira iha prosesu sira iha justisa ka iha "perfil étiku ne'ebé kontroversu".

AMP hafoin ne'e aprezenta naran foun tolu ne'ebé maka Prezidente aseita no nomeia maibé hafoin ne'e husu adiamentu "sine die" hosi pose sira ne'e, "iha solidariedade" ho naran sira ne'ebé maka rekuza tiha ona.

Kalbuadi Lay defende ona katak laiha motivu hodi hili naran sira seluk hod refere katak tribunal sira "konfirma ona katak laiha kazu ida kontra" naran sira ne'ebé rekuza ne'e.

"Laiha argumentu ida ne'ebé vale hodi Prezidente mantén pozisaun ne'e", nia afirma.

Lusa

 


Comentários

Critério de publicação de comentários