Pájina aktualizada iha 08:41h, sesta-feira 19 Jullu

"Move" angaria fundu ho festa iha Díli

17 de Junho de 2019, 20:00

Festa popular ida hosi Santu Popular sira, halo iha loron-sábadu, iha Díli, hanesan tema ne'ebé hili hosi ekipa voluntáriu sira hosi ONG portugeza 'Move' hodi hetan fundu sira hodi kontinua sira nia projetu iha Timor-Leste.


"Ami nia objetivu boot maka fó koñese Move, divulga organizasaun no ami nia serbisu, iha fatin ne'ebé ami marka prezensa no iha área sira ne'ebé ami atua, hanesan ONG iha termu jeral no, liuliu, iha Timor-Leste", esplika hosi Inês Bandeira, joven ida ne'ebé halo parte hosi grupu atual voluntáriu sira iha Timor-Leste, ba Lusa.

"No hafoin ne'e hodi angaria mós fundu. Ami hanesan organizasaun ida lahó final lukrativu ne'ebé hakarak mantén voluntáriu sira iha rai laran", nia esplika.

Move harii iha tinan 2009 hodi grupu ida hosi estudante universitáriu sira ne'ebé identifika ona falta hosi rendimentu estável ho previzível ida hanesan obstákulu boot ida ba aumentu hosi família barak iha Illa Mosambike nian.

Organizasaun moris hodi "fó oportunidade ba emprendedor sira hodi serbisu frakeza sira iha nia negósiu no hodi hetan parseiru ida ne'ebé hakarak insentiva sira nia kualidade".

Liutiha tinan sanulu, organizasaun iha ekipa sira voluntáriu iha parte oioin, inklui iha Timor-Leste ne'ebé, hahú tinan 2011, iha ona ekipa oioin voluntáriu nain ne'ebé iha grupu boot liu ho ema na'in neen.

"Move iha área atuasaun rua, formasaun ho apoiu nian ba emprendedor sira no negósiu ki'ik sira", esplika hosi jovem.

Iha kazu formasaun nian, Move apoia hela projetu oioin, inklui komponente prátika hosi turma emprendedorizmu nian, iha Universidade Nacional Timor Lorosa’e (UNTL), Sentru Formasaun Tibar nian ho instituisaun sira seluk.

Voluntáriu sira apoia mós área oioin negósiu nian hosi empreza timoroan oioin inklui Empreza Diak ho Boneca de Ataúro.

Aleinde Inês Bandeira, Move agora daudaun iha Timor-Leste ho voluntáriu na'in lima seluk ne'ebé selu, parte barak, sira nia gastu rasik no nia estadia hotu iha fulan-Jullu.

Sira maka hanesan Miguel Santos, tinan 24 no lisensiadu iha jestaun, Leonor Marcos, tinan 23 hosi Marketing, Rita Monteiro, tinan 24 hosi enjeñaria biomédika, Nídia Abreu, tinan 28, lisensiadu iha ekonomia ho Maria Ventura, tinan 21, hosi enjeñaria sivil.

Festa popular loron-sábadu hakarak "lembra maka'as saida maka akontese iha festa popular sira iha sidade portugeza sira nian iha fulan-Juñu", konta ho apoia finanseiru no sasán sira hosi patrosinador hamutuk 20 resin.

Festa ne'e hahú iha tuku 18:00 no halo iha edifísiu antigu hosi embaixada portugeza nian iha Díli.

Lusa

 


Comentários

Critério de publicação de comentários