Pájina aktualizada iha 11:01h, sesta-feira 19 Jullu

Prezidente xinés vizita Koreia-Norte iha semana ne'e

17 de Junho de 2019, 23:09

Prezidente xinés, Xi Jinping, sei vizita Koreia-Norte iha semana ne'e, iha deslokasaun dahuluk hosi xefe Estadu xinés ida ba nasaun ne'e dezde tinan 2005, informa hosi imprensa ofisial xineza iha loron-segunda ne'e.


Vizita, ne'ebé sei halo iha loron-kuarta ho loron-kinta, tanba konviti hosi líder norte-koreanu, Kim Jong-un, halo semana ida antes simeira G20, ne'ebé hein katak Xi sei hasoru malu ho homólogu norte-amerikanu, Donald Trump, hodi tenta akordu ida ne'ebé hapara funu komersial entre nasaun rua.

Kim vizita ona Xina dala haat, iha tinan ida nia laran, iha sinal hosi konfiansa renovadu entre Pyongyang ho Pekin, hafoin tinan barak hadook malu, hasoru insisténsia hosi rejimi norte-koreanu hodi kontinua ho programa nuklear ne'ebé kontroversu.

Maibé, Xi Jinping agora maka retribui vizita, halakon ona protokolu iha relasaun sira entre Estadu sira - tuir loloos vizita sira tenki akontese interkaladu, ho forma mútua.

Prezidente xinés nia vizita akontese iha momentu ida ne'ebé negosiasaun sira entre Washington ho Pyongyang ba desnuklearizasaun hosi península koreanu falla ona, hafoin simeira Hanói hotu lahó akordu ida.

Negosiasaun entre Washington ho Pekin mós, hodi hakotu ho funu komersial, sei iha problema ida, ho administrasaun Trump aumenta taxa alfandegáriu sira kona-ba kuaze hosi metade importasaun sira ne'ebé mai hosi Xina, iha fulan liubá.

Washington eziji atu Pyonyang abdika hosi nia arma nuklear, bainhira norte-koreanu sira hatete katak halo ona sufisiente hodi suspende teste sira ho bomba atómika sira ho misil balístiku sira, no to'o ona tempu atu EUA avalia kastigu internasional todan sira ne'ebé maka izola nia ekonomia.

Iha tinan 1950, Xina ho Koreia-Norte luta hamutuk kontra Estadus Unidus.

Iha manual eskolar xinés sira nian, "Funu Koreia" nian hanaran "Funu hodi Rezisti ba Agresaun Imperialista Amerikanu ho Ajuda Koreia".

Maibé, insisténsia hosi governu Pyongyang hodi kontinua halo teste ba misil balístiku interkontinental sira no dezenvolve programa nuklear polémika ida hamosu konflitu ida iha relasaun sira ne'ebé sai di'ak de'it iha tinan liubá.

Xi Jinping halo ona istória bainhira, hafoin kaer poder liutiha tinan ida, sai nu'udar xefe Estadu xinés dahuluk halo vizita ba Koreia-Súl antes ba Koreia-Norte, iha tinan 2014.

Lusa

 


Comentários

Critério de publicação de comentários