Pájina aktualizada iha 23:21h, tersa-feira 15 Outubru

Ezekutivu sira hosi Boeing husu deskulpa ba asidente sira ho 737 Max

17 de Junho de 2019, 23:51

Ezekutivu importante sira hosi empreza norte-amerikanu Boeing husu ona deskulpa, iha loron-segunda ne'e, ba família sira hosi vítima sira hosi dezastre sira ne'ebé akontese ho aviaun sira 737 Max, iha Indonézia ho Etiópia.


Kevin McAllister, prezidente hosi Konsellu Administrasaun nian hosi kompañia komersial Boeing nian, hatete ona ba jornalista sira durante abertura hosi espozisaun ba área aviasaun, iha Paris, katak lamenta asidente sira ne'ebé akontese ona ho aparellu sira hosi konstrutora norte-amerikanu.

"Ami lamenta lakon moris sira", hatete hosi McAllister hodi refere ba semo hosi Lion Air, iha Outubru 2018, no ba asidente ne'ebé envolve Boeing 737 Max hosi Ethiopian Airlines iha fulan-Marsu liubá.

Iha total mate ona ema na'in 346.

McAllister husu mós deskulpa ba defeitu sira ne'ebé halo kompañia aviasaun oioin iha mundu tomak kansela semo sira ne'ebé tuir loloos halo hosi 737 Max.

Ezekutivu hatutan katak Boeing serbisu hela hodi rezolve avaria sira, maibé la refere loron espesífiku ne'ebé maka sei rezolve situasaun ne'e.

Ezekutivu sira seluk hosi Boeing subliña mós preokupasaun hosi kompañia kona-ba kestaun sira seguransa nian no husu mós pedidu deskulpa ba família sira vítima sira nian hosi asidente rua.

Investigasaun sira kona-ba dezastre aéreu rua sei halo hela maski hetan ona falla sira iha sensor sira ne'ebé sukat ángulu hosi pozisaun aviaun sira nian no ne'ebé halo parte oin hosi aparellu sira tuun ho diresaun ba rai.

Pilotu sira labele kontrola aparellu sira nune'e maka sira monu.

Paris Air Show halo iha kapital franseza ne'ebé markadu mós ho tensaun ekonómiku entre Estadus Unidus ho nasaun sira seluk iha área transporte aéreu nian.

Iha eventu, sei hatudu mós aviaun foun sira kombate ho jatu, aviaun elétriku sira, aparellu sira ne'ebé laiha tripulasaun nune'e mós avansu teknolójiku foun sira ne'ebé aplika ba aviasaun.

Lusa

 


Comentários

Critério de publicação de comentários