Pájina aktualizada iha 23:21h, tersa-feira 15 Outubru

Aeroportu foun Oecusse nian simu movimentu sira hosi Indonézia ho Díli

18 de Junho de 2019, 23:27

Semo komersial sira ne'ebé mai hosi Díli no semo charter sira hosi Jakarta ho Kupang halo parte hosi movimentu sira hosi aviaun sira ne'ebé ajenda ona to'o loron-kuarta iha Aeroportu Internasional foun Rota do Sândalo, ne'ebé inaugura iha enklave Oecusse-Ambeno iha loron-tersa ne'e.


Informasaun ne'ebé hato'o hosi autoridade sira hosi Rejiaun Administrativu Espesial Oecusse-Ambeno (RAEOA) ba Lusa hatudu katak iha total iha semo lima maka ajenda ba aeroportu ba loron-tersa ne'e.

Iha loron-kuarta previstu ba semo lima seluk.

Iha konkretu, loron-tersa ne'e ajendadu semo rua iha Otter Bimotor DH6-400, ho fatin 19, opera hosi RAEOA rasik, ne'ebé sei halo viajen líder timoroan sira ne'ebé sei partisipa iha serimónia inaugurasaun.

Aeroportu simu mós semo charter tolu seluk, ida A320 hosi Citilink, ne'ebé halo viajen diretu hosi Jakarta ba Oecusse, no ne'ebé sei tula konvidadu indonéziu oioin, inklui responsável sira hosi Wika, empreza ne'ebé harii infraestrutura sira.

Hosi Kupang, kapital hosi metade illa indonéziu, ajendadu semo rua, ATR72-600 hosi kompañia Transnusa, ne'ebé sei lori responsável oioin hosi Governu rejional, inklui governador ho visi-governador.

Iha loron-kuarta sei hanoin semo komersial rua iha aparellu RAEOA nian, ho estra ida seluk hodi lori Prezidente Repúblika ho nia komitiva, ho regresu hosi semo rua hosi Transnusa.

Aeroporto, ne'ebé nia konstrusaun iha folin dolar millaun 120 resin, iha pista ida ho naruk metru 2.200 no luan metru 45, ho 'stopway' pavimentadu ida ho metru 60 hos estremidade ida-idak no zona seguransa adisional (RESA) ida ho metru 90, aleinde faixa ida ho luan metru 300 hosi área protesaun nian, informa hosi RAEOA ba Lusa.

Ho área ida hamutuk 8.500 metru kuadradu no kapasidade anual ida hodi simu pasajeiru to'o millaun ida, aeroportu ne'e harii hosi empreza indonéziu Wijaya Karya Tbk (Wika) ho baze iha projetu ida hosi atelier portugés Allby Arch.

Lusa

 


Comentários

Critério de publicação de comentários