Pájina aktualizada iha 03:09h, kuarta-feira 21 Novembru

ONU: Ema millaun 70 resin hanesan deslokadu iha mundu, númeru boot ne'ebé nunka akontese

19 de Junho de 2019, 23:54

Rekord foun ida ne'ebé halakon ona iha mundu iha 2018, ho ema millaun 70,8 hanesan deslokadu hosi sira nia uma ka hosi sira nia nasaun, tanba funu sira ka persegisaun, anunsia hosi ONU iha loron-kuarta.


Relatóriu anual "Tendénsia Global sira" hosi Komisariadu Importante ONU nian ba Refujiadu sira (UNHCR) observa katak nível tomak hosi deslokamentu ohin loron hanesan dobru duké tinan 20 liubá, konfirma aumentu hosi tendénsia iha númeru hosi ema sira ne'ebé presiza protesaun internasional.

Ne'e hanesan tinan hitu konsekutivu maka númeru deslokadu sira aumenta iha mundu.

"Infelismente, tendénsia global sira, dala ida tan, tuir ha'u hatete la'o ba dala sala", afirma hosi responsável ajénsia ONU nian ba Refujiadu sira, Filippo Grandi, durante aprezentasaun hosi relatóriu iha Jenebra.

"Iha konflitu foun sira, situasaun foun sira, ne'ebé kria refujiadu foun sira, tau hamutuk ho antigu sira. Kazu antigu sira nunka rezolve", nia hatutan.

Fenómenu ida ne'ebé aumenta iha tamañu ho durasaun. Besik 4/5 hosi "situasaun deslokadu sira" dura ona liu tinan lima resin. Liutiha tinan ualu hosi funu Síria nian, hanesan ezemplu, nia povu halo parte nafatin hosi populasaun boot hosi ema deslokadu sira, besik millaun 13.

Venezuela, ne'ebé hasoru hela krizi humanitáriu ho polítika maka'as, ba dala uluk hanesan nasaun ho númeru boot liu ba rekerente foun azilu nian, hamutuk 340.000 resin, iha tinan 2018.

UNHCR garanti katak nia númeru sira hanesan "konservador" no iha Venezuela, tanba situasaun bele sai aat liu. Hatene katak ema millaun haat resin husik ona nasaun súl-amerikanu iha tinan hirak ikus ne'e. Sira barak la'o livre ba Peru, Kolómbia ho Brazil, maibé 1/8 de'it maka buka protesaun internasional formal.

Tensaun sira iha nasaun sira akollimentu bele sai aat, aviza ona hosi UNHCR.

Grandi kalkula saída maka'as nafatin hosi Venezuela no apela tan ajuda hosi nasaun sira ho organizasaun sira ba dezenvolvimentu hosi rejiaun, "se la'e, nasaun sira ne'e sei la aguenta tan presaun no tenki buka medida sira ne'ebé bele prejudika refujiadu sira". "Ita iha situasaun ida ne'ebé perigozu tebes", nia hatete.

Maski hosi aumentu polítika sira anti-imigrasaun nian, Estadus Unidus sai nafatin hanesan "defensor boot hosi refujiadu sira" iha mundu, Grandi hatete. EUA hanesan doador individual boot hosi UNHCR.

Maibé, nia observa ona falla administrativu sira iha prazu naruk ne'ebé maka fó ba Estadus Unidus númeru boot hosi pedidu sira azilu nian iha mundu tomak, ho kuaze 719.000. Liuu hosi 1/4 millaun hosi reklamasaun sira maka adisiona iha tinan liubá.

Responsável hosi UNHCR kritika mós retórika foun ne'ebé maka, tuir nia opiniaun, hanesan agresivu ba migrante sira ho refujiadu sira, oituan iha mundu tomak.

"Iha Amérika, nune'e mós iha Europa no iha parte sira seluk iha mundu, ita hasoru hela ideia katak refujiadu sira, ameasa ita nia serbisu sira, ita nia seguransa ho ita nia valor sira", Grandi hatete.

"No ha'u hakarak hatete ba governu EUA nian - ba prezidente - maibé mós ba líder sira iha mundu tomak: ne'e hanesan prejudisial", nia hatutan.

UNHCR nia relatóriu observa katak maioria hosi refujiadu sira hanesan hosi nasaun sira ne'ebé iha dezenvolvimentu, la'ós iha nasaun riku sira.

Lusa


Comentários

Critério de publicação de comentários