Pájina aktualizada iha 21:53h, kuarta-feira 20 Novembru

Governu muda iha lei Fundu Petrolíferu antes ratifika tratadu ho Austrália

02 de Julho de 2019, 22:56

Governu sei haruka iha semana oinmai ba parlamentu mudansa oioin ba Lei Fundu Petrolíferu nian ne'ebé presiza hodi harmoniza diploma antes ratifikasaun ba tratadu foun hosi fronteira tasi nian ho Austrália.


Mudansa ida ne'ebé signifikativu liu, haktuir hosi esbosu hosi proposta lei ne'ebé maka Lusa iha asesu, maka refere ba introdusaun hosi artigu foun ida kona-ba "investimentu iha operasaun petrolíferu sira", asaun ne'ebé to'o agora seidauk kompleta.

Proposta hosi emenda defini katak "Fundu Petrolíferu bele aplika diretamente iha Operasaun Petrolíferu sira, iha teritóriu nasional ka iha estranjeiru, tuir previstu iha artigu 22 hosi Lei Atividade Petrolíferu sira nian, liuhosi selebrasaun hosi tranzasaun komersial sira, ho intermédiu hosi Timor Gap".

Harmonizasaun ida ho lei hosi atividade petrolíferu, aprova iha fulan-Janeiru no ne'ebé, la diretu, 'book' ona iha lei hosi fundu petrolíferu.

Redasaun foun defini atu investimentu sira iha operasaun petrolíferu "konstitui klase ida hosi ativu autónomu sira, ne'ebé, tuir nia natureza, la aplikável rekizitu sira" ne'ebé maka detalla iha "regra sira hosi investimentu iha merkadu finanseiru sira".

Maski nune'e mudansa proteje fundu hasoru operasaun sira ne'e, determina katak "la liu hosi 5% hosi Fundu Petrolíferu tenki aplika iha klaze hosi ativu sira ne'e, nune'e limiti tenki kalkula ho baze hosi valor total, hosi Fundu Petrolíferu no mós hosi investimentu, iha loron hosi realizasaun hosi investimentu inisial" iha operasaun petrolíferu sira.

"Investimentu sira iha Operasaun Petrolíferu sira ho baze hosi dispostu iha artigu ne'e hakarak promove dezenvolvimentu ho diversifikasaun hosi ekonomia sosial no mós benefísiu finanseiru ba Fundu Petrolíferu, hanesan provável atu benefísiu ekonómiku ho sosial sira hosi investimentu hanesan baze iha determinasaun hosi termu sira ne'e", refere hosi proposta mudansa nian.

Mudansa sira, ne'ebé halo parte hosi pakote boot ida hosi mudansa lejislativu sira, hanesan presiza tanba hahú hosi independénsia Timor-Leste nian no bainhira hahú hala'o Tratadu foun, atividade sira prospesaun nian, peskiza ho produsaun petróleu nian iha tasi Timor uluk halo ho baze iha akordu anterior ho Austrália.

Rejimi ida ne'ebé kria ona Área Konjuntu ida hosi Dezenvolvimentu Petrolíferu (ACDP ka JPDA iha nia sigla ingleza) no ne'ebé kalkula fahe ida hosi funsaun regulatóriu sira ho entidade nasional oioin no supranasional sira ne'ebé kria ho baze hosi regulamentasaun ne'e.

Modelu ne'e, afeta diretamente rekolla hosi reseita sira ba Timor-Leste, uluk "difundi" iha diploma oioin, entre sira maka Lei hosi Fundu Petrolíferu, ne'ebé agora tenki muda, haktuir hosi esbosu hosi diploma sira ne'ebé maka Lusa iha asesu.

Iha kauza maka konjuntu ida hosi mudansa oioin ba Lei, ho aspetu signifikativu liu hanesan artigu foun sira kona-ba "investimentu iha Operasaun Petrolíferu sira", ne'ebé hakarak harmoniza regra sira ne'ebé previstu iha Lei hosi Atividade Petrolíferu sira ho rejimi hosi Lei Fundu Petrolíferu nian.

Mudansa sira hakarak inklui mós iha Lei Fundu Petrolíferu nian "regra sira relativu ho utilizasaun hosi Fundu ba investimentu iha operasaun petrolíferu sira hosi Estadu Timor-Leste nian ne'ebé maka dispersa iha Lei hosi Atividade Petrolíferu sira" dezde mudansa ba diploma ne'e iha loron 18 Janeiru.

Iha konkretu, mudansa sira sei hasai referénsia tomak ba Tratadu Tasi Timor nian no ba nia rejimi, introduz konseitu sira no mudansa sira hodi implementa Tratadu foun.

Hatama mós regra sira ba investimentu hosi Estadu iha operasaun petrolíferu sira, ne'ebé halo ona parte iha Lei hosi Atividade Petrolíferu sira, muda ona iha inísiu tinan ne'e.

Testu hatama mós referénsia sira ba "Dekretu-Lei foun sira hosi Implementasaun hosi Anexo D hosi Tratadu", hodi nune'e fó kobertura ba diploma sira ne'ebé sei aprova hodi permiti tranzisaun hosi área sira peskiza nian no produsaun petrolíferu ne'ebé antes inklui iha ACDP no iha jurisdisaun australianu ba jurisdisaun Timor-Leste nian de'it bainhira hala'o Tratadu ne'e.

Ikusmai, testu sei muda hodi hatama Akordu Ortográfiku, ne'ebé la uza bainhira aprova antes lei ne'e, no regra sira lejístiku nian, ne'ebé aprova hosi Konsellu Ministru sira.

Mudansa sira sei boot iha artigu sira 2,6, 15 ho 20 hosi testu ne'ebé prepara ona ho apoiu hosi reprezentante sira hosi Ministériu Petróleu ho Mineral sira, Ministériu Finansa, Fundu Petrolíferu, ANPM, ho TIMOR GAP, E.P.

"Tratadu foun Entre Repúblika Demokrátika Timor-Leste ho Austrália ne'ebé Estabelese Respetivu Fronteira Tasi sira iha Tasi Timor", asina iha loron 06 Marsu 2018, defini, ho dalan permanente, fronteira tasi entre nasaun rua.

Faktu ida ne'ebé implika final hosi ACDP no hosi estrutura tomak supervizaun nian no kordenasaun ne'ebé iha ligasaun ba ACDP, "pasa funsaun regulatóriu tomak no supervizaun hosi área marítimu nian ne'ebé tranzita ba jurisdisaun exkluzivu Timor-Leste nian ba autoridade nasional sira".

Reseita ne'ebé iha ACDP uluk fahe ho Austrália agora sai hanesan reseita interna Timor-Leste, tau hamutuk iha futuru ba reseita ne'ebé sei simu hosi Área foun hosi Rejimi Espesial Greater Sunrise nian.

Lusa

 


Comentários

Critério de publicação de comentários