Pájina aktualizada iha 21:53h, kuarta-feira 20 Novembru

CPLP hakarak parseria sira "maka'as liután" ho nia observador asosiadu sira hamutuk 19

03 de Julho de 2019, 18:49

Sekretáriu-ezekutivu hosi Komunidade Nasaun sira Lian Portugeza nian (CPLP) hatete iha loron-tersa katak iha reuniaun dadeer nian ho observador asosiadu hamutuk 19 hosi organizasaun ko'alia ona kona-ba posibilidade sira hosi "parseria sira ne'ebé maka'as liután".


Estadu-membru sira hosi organizasaun ho sekretáriu-ezekutivu hasoru malu iha loron-tersa ho nasaun hamutuk 18 no Organizasaun hosi Estadu sira Ibero-Amerikanu (OEI) ne'ebé iha kategoria hosi observador asosiadu sira, iha reuniaun ida ne'ebé embaixador Francisco Ribeiro Telles klasifika hanesan "pozitivu tebes".

Reuniaun ne'e iha relasaun ho "estabelesimentu hosi parseria sira ne'ebé ami [CPLP] hakarak sai intensu liu" ho observador asosiadu sira, hatete hosi Ribeiro Telles.

"Ami aliña ona projetu sira ne'ebé bele sai hanesan importante ba futuru no konstribuisaun ne'ebé nasaun asosiadu ida-idak ho organizasaun asosiadu, OEI, bele fó ba serbisu hosi CPLP", afirma hosi responsável bainhira hakotu enkontru ne'ebé hala'o iha sede hosi komunidade ne'e, iha Lisboa.

Tuir sekretáriu-ezekutivu CPLP nian, halo mós pontu situasaun ida hosi andamentu serbisu sira no koperasaun entre Estadu-membru sia hosi organizasaun no nia observador asosiadu hamutuk 19 no ne'ebé bele haree katak "iha aumentu ida ba interese hosi komunidade internasional kona-ba CPLP nia serbisu sira".

Observador asosiadu sira mós aprezenta ona relatóriu ida hosi sira nia atividade, iha loron 05 Maiu, Loron hosi Lian ho Kultura Portugeza nian, refere ona hosi diplomata portugés.

"No ita bele haree katak iha mós atividade oioin iha loron ne'e iha kontinente haat, ne'ebé hanesan dignu hodi rejista", nia hatutan.

Lusa

 


Comentários

Critério de publicação de comentários