Pájina aktualizada iha 10:41h, sesta-feira 19 Jullu

Rekupera monumentu ba vítima portugés sira hosi Funu Mundial daruak iha Timor-Leste

09 de Julho de 2019, 20:00

Militar sira hosi kompañia enjeñaria hosi forsa sira Defeza timoroan nian apoia hosi forsa armada portugés sira rekupera hela, iha vila Aileu, monumentu hosi homenajen ba grupu militar sira ne'ebé mate durante Funu Mundial daruak iha Timor-Leste.


"Hanesan reabilita fatin ida ne'ebé hanesan aat tebes", esplika hosi koronel Delfim Dores, adidu hosi Defeza Portugal nian iha Timor-Leste, ba Lusa.

Ho área total ida kuaze rihun tolu metru kuadradu, monumentu ne'ebé situa iha sentru vila Aileu, inklui arkada iha entrada, fatin sentral ida ne'ebé iha plaka ida “Aos Massacrados de Aileu – 1942” no rate sanulu ne'ebé iha mate-isin hamutuk na'in 12 hosi ema portugés no ema timoroan sira nian.

"Rate sira ne'e iha kondisaun aat tebes, kalsada portugeza sentral kuaze lakon no fatin monumental hanesan danifikadu tebes", refere hosi Delfim Dores.

Rekuperasaun ne'e mosu hosi ideia ida hosi xefe Estadu-Maior-Jeneral hosi Forsa Armada sira portugeza nian, almirante António Silva Ribeiro, hodi dignifika rate sira ne'ebé maka hakoi militar portugés sira iha parte oioin iha mundu.

Vontade ida ne'ebé hafoin ne'e simu iha rezolusaun ida hosi Asembleia Repúblika ne'ebé rekomenda rekupera rate portugés sira iha mundu.

"Iha kazu Timor-Leste nian avansa ona ho projetu ida ne'ebé permiti konkretiza ideia ne'e. Señór almirante iha ligasaun forte ida ho Timor-Leste no ideia ne'e simu lalais hosi komando hosi Forsa sira Defeza Timor-Leste (F-FDTL) nian", nia refere.

Objetivu maka atu rekuperasaun ne'e bele "inaugura" iha loron 19 Agostu oinmai, ho prezensa hosi António Silva Ribeiro ne'ebé sei vizita Timor-Leste ba aniversáriu Falintil nian, brasu armadu hosi rezisténsia timoroan nian, ne'ebé komemora iha loron tuirmai.

Portugal fornese material sira ho Forsa sira Defeza Timor-Leste (F-FDTL) nian disponibiliza elementu sira hosi seksaun rua hosi kompañia enjeñaria no parte lojístiku nian, transporte fatuk sira, rai-henek ho material seluk.

Monumentu harii iha tinan 1947 aproveita muru sira ho koluna ida hosi parede antigu hosi rezidénsia komandante nian no iha rate 10 ne'ebé maka hakoi mate-isin hamutuk 12 - iha rate ida iha soldadu timoroan na'in tolu.

Ema sira ne'e mate iha loron 01 Outubru 1942 madrugada hosi Colunas Negras durante invazaun japuneza iha Timor-Leste ne'ebé akontese hafoin soldadu australianu sira ho holandés sira invade illa, viola neutralidade Timor-Leste nian.

Ema sira ne'ebé maka hakoi iha fatin ne'e hanesan kapitaun ida hosi Infataria, kabu Arvoradu na'in haat, soldadu timoroan na'in tolu ho ema sivil na'in haat.

"Mate sira ne'e akontese iha tinan 1942 no mate-isin, iha momentu ne'ebá, husik iha rate komun. Iha tinan 1947 maka harii memorial ne'e. Iha tinan 1973, hetan intervensaun ida hosi kompañia enjeñaria portugeza no iha tinan 2002 halo ona reabilitasaun boot ida", nia esplika.

Lusa

 


Comentários

Critério de publicação de comentários