Pájina aktualizada iha 18:38h, kuarta-feira 16 Outubru

Delegasaun brazileiru iha Timor-Leste hodi analiza koperasaun ho Tribunal Rekursu

09 de Julho de 2019, 20:58

Delegasaun brazileiru ida hosi Ajénsia Brazileiru Koperasaun nian (ABC) no hosi Konsellu Nasional Justisa (CNJ) Brazil nian, iha daudaun Timor-Leste hodi analiza programa ida hosi apoiu institusional ba Tribunal Rekursu, hatete hosi embaixador Brasil nian ba Lusa.


"Brazil iha ona programa ida ho defensoria públika no ne'e sei hanesan programa foun ida hodi apoia Tribunal Rekursu, haree liuliu ba apoiu iha parte informátiku, ajuda informatiza prosedimentu sira", esplika hosi Aldemo Garcia.

"Ideia maka uza software brazileiru sira ne'ebé uza iha Konsellu Nasional Justisa nian no iha tribunal brazileiru sira, hodi adapta ba nesesidade sira hosi Tribunal Rekursu nian", nia esplika.

Delegasaun ne'e sei halo enkontru oioin ho tékniku timoroan sira hodi "verifika nesesidade sira ‘in loco’ hodi bele hahú programa koperasaun iha tinan ne'e nia laran", hatete hosi diplomata.

Delegasaun, ne'ebé to'o iha Díli iha loron-segunda, xefiadu hosi juís Carlos Vieira von Adamek, sekretáriu-jeral CNJ nian, no halo parte mós hosi majistradu na'in rua, konsultor na'in ida hosi CNJ no konsultor na'in rua hosi ABC.

Entre enkontru sira, delegasaun ne'e marka ona reuniaun ho prezidente Repúblika, Francisco Guterres Lu-olo, ho ministru Justisa, Manuel Cárceres da Costa, ho prezidente hosi Tribunal Rekursu, Deoliondo Santos, no ho prezidente hosi Rejiaun Administrativu Espesial Oecusse-Ambeno (RAEOA), Mari Alkatiri.

Durante vizita iha Timor-Leste, konsultor sira hosi ABC sei halo mós vizita sira akompañamentu nian ba projetu sira ABC nian ne'ebé halo daudaun iha Parlamentu Nasional no iha Defensoria Públika.

Lusa

 


Comentários

Critério de publicação de comentários