Pájina aktualizada iha 18:38h, kuarta-feira 16 Outubru

Konsellu Superior Defeza ho Seguransa aprova ona nomeasaun sira ba komandante foun sira

09 de Julho de 2019, 21:39

Konsellu Superior Defeza ho Seguransa, ho prezidénsia xefe Estadu nian, Francisco Guterres Lu-Olo, iha loron-tersa ne'e fó ona nia aprovasaun ba nomeasaun hosi komandante foun sira hosi komponente sira hosi Forsa sira Defeza Timor-Leste nian.


Iha komunikadu, Prezidénsia Repúblika esplika katak enkontru loron-tersa nian konvoka "hodi rona opiniaun hosi CSDS kona-ba proposta nomeasaun nian" hosi komandante sira hosi komponente sira Rai, Naval, Apoiu nian no Sentru Formasaun ho Treinu hosi Forsa sira Defeza Timor-Leste (F-FDTL) nian.

Durante reuniaun, Xefe Estadu-Maior-Jeneral hosi F-FDTL, major-jeneral Lere Anan Timur, informa ona proposta hosi nomeasaun ne'ebé aprezenta hosi Governu.

Iha konkretu, tenente-koronel Renilde Corte-Real da Silva nomeia ona hodi troka tenente-koronel Marcelino Ximenes ‘Rizai’ nu'udar komandante hosi komponente terestre no kapitaun João Silva nomeiadu hodi troka kapitaun Fragata Adão Brito ‘Zecky’, iha komando hosi komponente naval.

Ba komando hosi komponente Apoiu nian nomeia ona tenente Armindo Nunes dos Santos, hodi troka tenente-koronel Bendito Dias Quintas ‘Punufanu’ no hodi lidera Sentru Formasaun ho Treinu, tenente-koronel Cesario Ximenes Belo ‘Haksolok’ hetan nomeasaun hodi troka tenente-koronel Celestino Pinto ‘Daileba’.

Prezidénsia rekorda katak xefe Estadu iha kompeténsia hodi hasai no nomeia komandante sira hosi komponente sira F-FDTL nian, no antes foti nia desizaun tenki rona opiniaun hosi membru sira CSDS nian.

Enkontru loron-tersa ne'e hetan partisipasaun mós hosi primeiru-ministru Taur Matan Ruak, hosi ministru Defeza ho ministru interinu Interior Filomeno Paixão, hosi responsável F-FDTL nian, Lere Anan Timur, no hosi komandante hosi Polísia Nasional Timor-Leste (PNTL), komisáriu Faustino da Costa.

Partisipa mós hosi deputadu sira David Dias Ximenes Mandati, Adérito Hugo, Abel Pires da Silva, José Manuel Fernandes ‘Nakfilak’ ho Cristina da Silva.

Lusa

 


Comentários

Critério de publicação de comentários