Pájina aktualizada iha 11:01h, sesta-feira 19 Jullu

Final hosi kastigu mate iha Guiné Ekuatorial hein desizaun hosi parlamentu

11 de Julho de 2019, 19:10

Prezidente Guiné Ekuatorial, Teodoro Obiang Nguema, afirma ona iha loron-kuarta katak projetu lei hodi halakon kastigu mate iha nasaun entrega ona ba parlamentu, solusaun legal hodi la realiza referendu ida iha nasaun.


Ko'alia ba jornalista sira durante serimónia entrada hosi Partidu ba Dezenvolvimentu hosi Guiné Ekuatorial (PDGE, iha governu) iha Internasional Demokrata hosi Sentru (IDC), Teodoro Obiang esplika ona katak final hosi kastigu mate, ezijénsia hosi organizasaun no hosi estrutura internasional sira seluk hanesan Komunidade hosi Nasaun sira ho Lian Portugeza (CPLP), iha hela "faze konkluzaun nian".

"Hanesan hakatk ki'ik ida, maibé kompleksu", Obiang esplika no salienta katak kastigu mate ne'e konsagra iha Konstituisaun ekuato-guiniense no, bainhira hili emenda ida, diploma "tenki submete ba referendu".

Iha vigor maka adiamentu ida ne'ebé maka impede hela konkretizasaun hosi kondenasaun sira, hatete hosi Prezidente ekuato-guiniense nian.

"Konsege asuntu ne'e [halakon kastigu mate] hanesan hakat ki'ik ida ba komunidade internasional maibé hanesan asaun importante" ba Guiné Ekuatorial, nia hatutan.

Prezidente ekuato-guiniense nian, ne'ebé hetan akuzasaun lidera rejimi ida ne'ebé metin liu iha mundu ne'ebé hosi osan hosi produsaun petróleu nian, afirma mós katak Governu serbisu hela "hodi promove rekonsiliasaun entre sidadaun tomak hosi Guiné Ekuatorial nian".

"Ami senti konvensidu atu konvivénsia entre ema tomak halo ami sai forte liután hanesan sosiedade no, laiha dúvida ida, hanesan dalan hodi hetan Guiné Ekuatorial ida ne'ebé prósperu liu no dezenvolvidu liu", nia afirma hodi komenta ronda daneen hosi negosiasaun nian ho opozitor sira, barak liu hanesan eziladu.

La indika informasaun konkretu sira hosi negosiasaun sira, xefe Estadu Guiné Ekuatorial nian elojia "rezultadu pozitivu sira hosi aministia ikus" ba opozitor sira no rekorda "perdaun sira ba eziladu sira hotu".

Aleinde ne'e, Obiang promete ajuda hosi rejimi hodi nune'e opozitor sira "bele fila" ba nasaun: "Bainhira sidadaun ruma hosi Guiné ne'ebé iha estranjeiru, iha apoiu hosi Governu hodi fila, hodi nune'e bele halo parte iha sosiedade".

Abolisaun ba kastigu mate nian hanesan kompromisu ida ne'ebé Guiné Ekuatorial asumi bainhira tama iha CPLP, iha simeira Díli nian iha fulan-Jullu 2014, no autoridade sira ekuato-guiniente nian insisti nafatin atu, dezde momentu ne'ebá, hala'o adiamentu ida kona-ba kastigu mate no nunka iha tan ezekusaun judisial sira.

Aleinde Guiné Ekuatoria, nasaun sira ne'ebé halo parte iha CPLP maka Angola, Brazil, Cabo Verde, Guiné-Bissau, Mosambike, Portugal, São Tomé & Prínsipe ho Timor-Leste.

Lusa

 


Comentários

Critério de publicação de comentários