Pájina aktualizada iha 01:50h, domingu 16 Setembru

Parlamentu Europeu vota Von der Leyen nia naran iha loron-tersa loraik

11 de Julho de 2019, 19:52

Votasaun ba eleisaun hosi alemã Ursula von der Leyen, dezignadu hosi Konsellu Europeu ba prezidénsia hosi Komisaun Europeia, sei hala'o iha loron-tersa loraik iha sesaun plenáriu hosi Parlamentu Europeu, iha Estrasburgu, Fransa, anunsia iha loron-kinta ne'e.


"Konferénsia hosi prezidente sira hosi Parlamentu Europeiu desidi ona katak deklarasaun hosi Von der Leyen sei hala'o iha loron-tersa oinmai, 16 Jullu, iha tuku 09:00 [oras lokal]. Debate sei hala'o to'o tuku 12:30. Votasaun ba eleisaun hosi prezidente Komisaun nian ajenda ona ba loron hanesan iha tuku 18:00", hatete hosi porta-vós asembleia europeia nian, Jaume Duch, iha nia konta iha rede sosial Twitter.

Kandidata ne'ebé dezigna hosi Konsellu Europeu ba prezidénsia hosi Komisaun Europeia hasoru malu ona iha loron-kuarta ho konferénsia hosi prezidente sira hosi Parlamentu Europeu nune'e mós ho grupu polítiku oioin ho fatin iha hemisiklu.

Sei kaer pasta nu'udar ministra Defeza alemaun, nia presiza hetan maioria absolutu ida iha votasaun ne'ebé ajendadu ba loron-tersa oinmai - metade hosi eurodeputadu sira tau hamutuk ida (376) - hodi sai nu'udar prezidente hosi Komisaun Europeia, maibé hafoin ronda hosi konsulta sira ho família polítika sira, nia nomeasaun seidauk sai hanesan loos.

Grupu hosi Sosialista sira ho Demokrata sira (S&D) ho liberal sira hosi Renovar Europa mantén indesizaun kona-ba sentidu votu nian hosi sira nia bankada, halo sai susar hodi polítika alemaun hatán ba sira nia pedidu no ba kompromisu sira ne'ebé sira dispostu hodi asumi, Verde sira hanesan liu taxativu hodi deklara katak sei la apoia kandidata ne'ebé hili ona iha votasaun semana oinmai.

Ursula von der Leyen nia naran 'eleitu' ona hosi Konsellu Europeu iha semana ida liubá hafoin negósiu naruk ida ne'ebé hala'o durante loron tolu.

Prosesu ne'ebé hetan krítika maka'as hosi família polítika tomak iha debate ho prezidente hosi Konsellu Europeu, Donald Tusk, ne'ebé halo iha loron 04 Jullu, liuliu tanba Estadu-membru sira la tuir modelu hosi "kandidatu prinsipal sira", ka ‘Spitzenkandidat’, ne'ebé maka hala'o ona iha tinan 2014 no ne'ebé maka Parlamentu hakarak atu kontinua serve nafatin ba eleisaun hosi prezidente Komisaun nian.

Ba kandidata alemaun presizaun de'it apoiu hosi família polítika boot tolu - 'nia' Partidu Popular Europeu (PPE), sosialista sira ho liberal sira -, sira ne'ebé maka reprezentadu iha Konsellu Europeu no ne'ebé maka konkorda ona 'pakote' hosi nomeasaun sira ba kargu institusional sira importante nian iha Uniaun Europeia ba tinan lima oinmai.

Lusa

 


Comentários

Critério de publicação de comentários