Pájina aktualizada iha 11:21h, sesta-feira 19 Jullu

Putin hatete katak prontu ba konversasaun ho Ukránia

11 de Julho de 2019, 23:54

Prezidente rusu, Vladimir Putin, hatudu iha loron-kinta ne'e intensaun hodi halo diálogu ho Prezidente ukranianu foun hodi hetan solusaun ba konflitu iha leste Ukránia nian.


Nune'e maka Putin hatán ba proposta hosi Volodimir Zelenski kona-ba inísiu hosi konversasaun sira ho mediasaun hosi líder sira hosi Estadus Unidus, Reinu Unidu, Fransa ho Alemaña, no garanti ona katak senti prontu ba ideia.

Maibé, nia konsidera hanesan ladún provável atu diálogu akontese antes hala'o eleisaun lejislativu sira iha Ukránia ne'ebé marka ona ba loron 21 Jullu.

Zelenski, ne'ebé asumi prezidénsia iha fulan-Maiu, hakarak hakotu ho konflitu separatista iha leste, ne'ebé dezde tinan 2014 halo ona ema na'in 13.000 resin mate no millaun sanulu resin sai deslokadu.

Zelenski nia proposta hanesan ho konversasaun sira dame nian ne'ebé akontese iha Minsk, kapital Bielorrússia, iha tinan 2014 ho 2015 ho prezensa hosi responsável ukranianu sira ho líder separatista sira, ho mediasaun rusu, franseza ho alemaun.

Lusa

 


Comentários

Critério de publicação de comentários