Pájina aktualizada iha 10:41h, sesta-feira 19 Jullu

Londres haruka ró funu daruak ba rejiaun Golfo nian

12 de Julho de 2019, 23:58

Reinu Unidu sei aumenta nia prezensa militar temporáriu iha Golfo, hodi haruka ró funu daruak ida, anunsia hosi Governu britániku iha loron-sesta ne'e no fonte ida hosi departamentu defeza, iha kontestu hosi tensaun sira ho Teeraun.


Tuir porta-vós ida hosi ezekutivu britániku, ró HMS Duncan sei haruka ba rejiaun Golfo hodi transmiti ba fragata HMS Montrose, ne'ebé iha ona fatin, hodi kontinua garanti "liberdade navegasaun nian" iha zona ne'e.

Rotasaun ne'ebé programadu ona, avansa ona, indika hosi fonte ida Defeza nian, ne'ebé la espesifika durasaun tempu permanénsia hosi ró rua ne'e iha área.

Tuir fonte seluk ida hosi Governu, ezekutivu aumenta mós nia nível máximu, nível alerta iha bee teritorial iranianu sira ba ró britániku sira.

Ministru Negósiu Estranjeiru britániku husu ona iha loron-sesta ne'e kalma hasoru aumentu hosi tensaun sira kona-ba transporte marítimu iha Golfo Pérsiku, anunsia katak Reinu Unidu lakohi konflitu ida ho Iraun.

Jeremy Hunt afirma ona katak "ne'e hanesan momentu ida ba ulun-malirin" hodi garanti atu laiha "violénsia lahó intensaun".

Hunt refere ona katak Londres fó ona "resposta ponderadu ho kuidadu" ida ba situasaun, hodi hatutan katak Reinu Unidu "hanesan klaru ba Iraun" hodi hatete katak "la buka aumenta sai aat situasaun ne'e".

Tensaun iha zona hosi Estreitu Ormuz, ne'ebé transporta kuaze 1/3 hosi petróleu brutu mundial, to'o ona nível máximu iha semana ikus ne'e, ho Estadus Unidus akuza Iraun ba atake oioin hasoru petróleu sira, no Iraun tiru monu aparellu drone ida norte-amerikanu nian.

Iha loron-kuarta, ró sira hosi Guarda Revolusionáriu Iraun nian tenta ona, lahó susesu, hapara petroleiru britániku ida ne'ebé liuhosi Estreitu Ormuz, haktuir hosi autoridade britániku sira.

Ró britániku The British Heritage husik ona Golfo Pérsiku no navega liuhosi Estreitu Ormuz bainhira ró iranianu sira hakbesik no haruka atu tuir iha diresaun ba bee sira nasaun ne'e nian.

Guarda Revolusionáriu Iraun nian nega ona katak tenta impede atu petroleiru britániku liuhosi estreitu Ormuz, haktuir hosi komunikadu ida ne'ebé divulga hosi ajénsia notísia Sepah News.

Lusa

 


Comentários

Critério de publicação de comentários