Pájina aktualizada iha 21:57h, kuarta-feira 20 Novembru

Parlamentu aprova proposta lei sira kona-ba tratadu fronteira sira nian

19 de Julho de 2019, 22:00

Parlamentu aprova ona, iha loron-kinta ne'e, iha jeneralidade konjuntu hosi emenda ida ba proposta lei haat ne'ebé presiza hodi ratifika tratadu fronteira sira ho Austrália, hafoin maratona ida hosi debate ne'ebé marka ho protestu maka'as hosi opozisaun.


Votasaun iha jeneralidade, ne'ebé iha votu kontra sira - anunsiadu antes debate - hosi bankada Frente Revolucionária do Timor-Leste Independente (Fretilin) – akontese hafoin loron barak debate nian iha plenáriu.

Xanana Gusmão, negosiador prinsipal hosi tratadu ho Austrália, membru oioin hosi Governu ho prezidente hosi Autoridade Nasional ba Petróleu ho Mineral, Gualdino da Silva, halo ona aprezentasaun detalladu sira hosi tratadu no kona-ba nia implikasaun sira.

Maibé, debate ne'e hahú hosi inísiu marka ho protestu hosi Fretilin ne'ebé kestiona faktu hosi ezekutivu aprova debate ho karater urjénsia, hodi akuza Governu la fó tempu sufisiente ba debate alargadu hosi lei importante sira ba nasaun.

Tensaun "sai ona" hosi parlamentu, ho sekretáriu-jeral Fretilin nian, Mari Alkatiri, komenta beibeik debate iha nia Facebook ho krítika maka'as sira hasoru Xanana Gusmão ho Governu.

Ezekutivu ho Xanana Gusmão hatán ona iha parlamentu, ho debate ne'ebé tuir loloos hanesan tékniku ne'ebé pontua ho momentu sira tensaun polítika maka'as no troka krítika sira.

Xanana Gusmão ikusmai la hela ba votasaun iha jeneralidade, sai durante deklarasaun final hosi Fretilin ne'ebé insisti ona katak laiha esplikasaun sufisiente maski iha debate detalladu sira.

Fretilin husu mós "prosesu diálogu ida no konsulta klean ida".

Dokumentu sira ne'ebé aprova iha loron-kinta ne'e agora sei haruka ba komisaun sira antes debate iha espesialidade ne'ebé previstu ba semana oinmai.

Iha kauza maka pakote ida hosi dekretu sira ho proposta lei ne'ebé presiza hodi ratifika "Tratadu entre Repúblika Demokrátika Timor-Leste nian ho Commonwealth Austrália ne'ebé estabelese Fronteira Tasi sira iha Tasi Timor, Akizisaun hosi Interese sira iha Kampu Petrolíferu sira ho Selebrasaun hosi Akordu sira relasionadu ho Dezenvolvimentu hosi Kampu sira Greater Sunrise nian”.

Tratadu kompromete Timor-Leste "hodi garanti ba empreza sira kondisaun haensan sira ho termu sira ne'ebé ezisti ona iha JPDA [zona esplorasaun hamutuk petróleu nian] no hosi lisensa australianu sira, tanba hafoin aprovasaun hosi tratadu, empreza sira ne'e halo de'it operasaun iha Timor-Leste".

Governu hatete katak ne'e halo adapta lei fiskal sira nasaun nian hodi "permiti atu Timor-Leste bele kobra impostu sira ne'ebé maka hetan hosi ezersísiu atividade sira hosi esplorasaun petrolíferu iha Tasi Timor, haree nune'e ba aumentu ida hosi reseita fiskal, liuliu hosi tributasaun hosi atividade petrolíferu sira iha área sira ne'ebé antes fahe ho Austrália ka hosi de'it Austrália nian".

Iha kauza iha mós proposta lei ida ne'ebé hakarak estabelese rejimi laboral ida no migrasaun espesífiku ba esplorasaun hosi kampu petrolíferu Bayu Undan, "hodi permiti atu nia traballador sira, ema timoroan sira ho ema estranjeiru sira, bele serbisu nafatin tuir regra sira ho prátika di'ak internasional sira hosi área atividade ne'e".

Proposta rua seluk hosi lei adapta ba Lei Atividade Petrolíferu sira no Lei hosi Fundu Petrolíferu sira ba rejimi sira ne'ebé maka bele mosu iha Tratadu foun.

Parlamentu nasional aprova ona prolongamentu hosi nia serbisu sira to'o loron 15 Agostu hodi analiza diploma sira ne'ebé tenki haruka ba Prezidente Repúblika ba promulgasaun.

Lusa

 


Comentários

Critério de publicação de comentários