Pájina aktualizada iha 21:57h, kuarta-feira 20 Novembru

Mosambike/Siklone: Mobilizasaun ba apoiu hanesan ezemplu hosi "ligasaun espesial" ne'ebé halibur povu sira CPLP nian

19 de Julho de 2019, 23:32

Ministru Negósiu Estranjeiru Cabo Verde nian afirma iha loron-sesta ne'e katak apoiu hosi Estadu-membru sira, populasaun sira ho hosi CPLP rasik ba vítima sira hosi siklone sira iha Mosambike hanesan ezemplu ida hosi "ligasaun espesial" ne'ebé haloibur povu sira hosi komunidade.


Xefe Diplomasia Cabo Verde nian, Luís Filipe Tavares, ko'alia iha Mindelo, illa kabu-verdianu São Vicente nian, bainhira loke reuniaun ordináriu ba dala 24 hosi konsellu ministru sira hosi Komunidade Nasaun sira Lian Portugeza (CPLP), hodi destaka apoiu ne'ebé maka mobiliza hasoru "trajédia" iha Mosambike.

"Ita nia resposta sira, maski nune'e, hanesan asertivu ho lalais, iha nível sekretariadu, inkluzive kria ona rubrika ida iha fundu espesial CPLP nian hodi harii fali rejiaun sira ne'ebé afetadu, iha ita nia Estadu-membru ida-idak", hatete hosi ministru kabu-verdianu, nasaun ne'ebé maka kaer prezidensia rotativu hosi organizasaun ne'e.

"Ita fó buat hodu ne'ebé ita bele no ne'e konforta ida. Maibé hanesan justisa halo mensaun espesial ida, no nia hanesan importante ba ema tomak, ba reasaun intensa hosi ita nia sosiedade sira, hosi artista sira, hosi organizmu sira solidariedade nian no hosi sidadaun simples sira", hatete hosi Luís Filipe Tavares.

Siklone Idai to'o ona iha sentru Mosambike iha Marsu, halo vítima mortal na'in 604 no afeta ema millaun 1,8 resin. Liutiha tempu balun, Mosambike hetan fali siklone ida, Kenneth, ne'ebé to'o iha norte nasaun nian iha fulan-Abril, oho ema na'in 45 no afeta ema na'in 250.000.

"Iha iha momentu importunu maka ita koñese belun loloos sira, hatete hosi provérbiu popular kabu-verdianu nian. Trajédia Mosambike nian hatudu katak amizade loloos ne'e la'ós tributu hosi Estadu maibé hosi ema sira. Ita nia sidadaun sira sente ligasaun espesial no senti sorte hosi ema sira seluk. Ne'e hanesan forte tebes nune'e laiha Estadu ida bele ignora", konklui hosi xefe diplomasia kabu-verdianu.

Xefe diplomasia sira hosi Estadu-membru sia CPLP nian hasoru malu iha loron-sesta ne'e iha sidade Mindelo, ho prezidénsia kabu-verdianu tenta hetan entendimentu ida kona-ba tema mobilidade iha organizasaun nia laran.

Reuniaun ordináriu ba dala 24 hosi konsellu ministru sira hosi organizasaun luzófonu hala'o iha sidade illa kabu-verdianu São Vicente ho tema "Mobilidade hanesan fator koezaun ho konstrusaun hosi sidadania iha CPLP", ne'ebé hanesan mós tema ida ne'ebé sei ko'alia internamente, haktuir hosi ajenda serbisu nian.

Lusa

 


Comentários

Critério de publicação de comentários