Pájina aktualizada iha 21:51h, kuarta-feira 20 Novembru

Xina husu ba EUA hodi hadi'a kastigu sira ba empreza sira ne'ebé akuzadu ajuda Iraun

20 de Julho de 2019, 00:13

Iha loron-sesta ne'e Xina husu ona ba Estadus Unidus hodi hadi'a "lalais" kastigu sira ne'ebé halo hasoru empreza xineza sira ne'ebé akuzadu ajuda Iraun hodi hetan material sira ba nia programa nuklear.


Departamentu hosi Tezouro EUA nian anunsia iha loron-kinta ne'e impozisaun hosi kastigu sira kontra sé maka sira hanesan "rede hosi empreza bosok sira" ho baze iha Iraun, Xina ho Béljika, ne'ebé nia objetivu negósiu maka permiti akizisaun hosi Iraun ba material hodi uza iha nia programa nuklear, viola restrisaun sira ne'ebé fó hosi ONU.

Iha loron-sesta ne'e, Governu Pekin denunsia ona kastigu sira ne'ebé halo hosi Washington no husu ona nia koresaun lalais.

"Xina halo nafatin opozisaun forte ho determinadu hasoru asaun hosi Estadus Unidus hodi halo kastigu unilateral sira no uza asaun ho naran jurisdisaun iha alkanse naruk ba nasaun oioin, inklui ba Xina", hatete hosi porta-vós hosi Governu Pekin, Geng Shuang, iha loron-sesta ne'e.

"Ami husu ba Estadus Unidus hodi hadi'a lalais abordajen sala ne'e no hodi respeita sériu direitu sira ho interese lejítimu sira hosi parte tomak", afirma hosi Geng.

Porta-vós hosi Governu xinés esklarese katak Pekin kontra proliferasaun nuklear maibé pozisaun ne'ebé hatudu hanesan relativa ba abordajen la loos liuhosi kastigu unilateral sira ne'ebé halo hosi Washington.

"Ami kontra maka'as atividade ruma proliferasaun (nuklear) ruma, ami implementa nafatin obrigasaun internasional sira hosi koperasaun no la'ós proliferasaun nian", Geng hatete.

Lusa

 


Comentários

Critério de publicação de comentários