Pájina aktualizada iha 21:55h, kuarta-feira 20 Novembru

Prezidente EUA nian hatete katak homólogu norte-koreanu hakarak fila ba negosiasaun sira

11 de Agosto de 2019, 07:07

Prezidente norte-amerikanu, Donald Trump, hatete iha loron-sábadu katak nia homólogu norte-koreanu, Kim Jong-un, hakarak halo fali negosiasaun sira ho Estadus Unidus no husu ona deskulpa ba nia tanba teste foun sira ho misil alkanse badak ne'ebé halo iha península koreanu.


Trump halo revelasaun liuhosi publikasaun sira iha nia konta rede sosial Twitter.

Prezidente norte-amerikanu refere mós katak Kim, "jentilmente tebes", hatete katak hakarak hasoru malu ho xefe Estadu norte-amerikanu ho hahú negosiasaun sira hafoin final hosi ezersísiu militar hamutuk hosi Estadus Unidus ho Koreia-Súl.

Iha karta naruk, tuir Trump, Kim husu ona deskulpa sira ba teste foun sira ne'ebé Koreia-Norte halo ho misil sira iha rejiaun hosi península koreanu no ne'ebé sei hakotu bainhira ezersísiu militar sira ho súl-koreanu sira hotu.

"Ha'u senti ansiozu hodi haree Kim Jong-un iha futuru ida ne'ebé besik! Koreia-Norte ida livre hosi arma nuklear sira sei halo sai hanesan nasaun ida ne'ebé iha susesu di'ak iha mundu!", publika hosi Prezidente norte-amerikanu iha Twitter.

Líder na'in rua hasoru malu ona dala tolu, iha Singapura, Hanói ho iha zona desmilitarizadu koreanu.

EUA ho Koreia-Súl hamenus ona sira nia ezersísiu militar prinsipal hamutuk dezde simeira dahuluk entre Trump ho Kim iha Juñu 2018, maibé agora daudaun hala'o hela ezersísiu militar sira entre nasaun rua ne'e hodi halo norte-koreanu sira la haksolok.

Lusa

 


Comentários

Critério de publicação de comentários