Pájina aktualizada iha 03:33h, kuarta-feira 22 Agostu

Renamo husu ba komunidade musulmanu apoiu ba akordu dame nian iha Mosambike

12 de Agosto de 2019, 20:05

Prezidente hosi Rezisténsia Nasional Mosambikanu (Renamo), partidu prinsipal hosi opozisaun, Momade Ossufo, husu ba komunidade musulmanu hodi ajuda, liuhosi orasaun sira, manutensaun dame nian, konkórdia ho pensamentu di'ak entre ema mosambikanu sira.


"Ami aproveita momentu ne'e hodi husu ba ami nia maun-alin musulmanu sira hodi hanoin iha sira nia orasaun sira ba benevolénsia Alá nian ba akordu sira hodi hapara konflitu sira", hatete hosi Momade Ossufo, iha komunikadu ne'ebé fahe iha loron-segunda ne'e.

Dame ho pensamentu di'ak tenki dura iha ema mosambikanu sira nia leet, hakerek iha nota, ne'ebé fahe tanba okaziaun hosi selebrasaun Idul Adha ne'ebé koñese mós hanesan festa sakrifísiu nian, komemorasaun musulmanu ne'ebé iha durasaun loron haat.

Prezidente mosambikanu, Filipe Nyusi, ho líder Renamo nian asina ona, iha loron 06 Agostu, Akordu Definitivu Dame ho Rekonsiliasaun Nasional nian.

Hanesan entendimentu datoluk entre parte rua, tanba, aleinde Akordu Jeral Dame nian iha 1992, ne'ebé hakotu ona ho funu sivil ida durante tinan 16 nia laran, asina mós iha loron 05 Setembru 2014, akordu hodi hapara konflitu militar sira ne'ebé hotu ona, formalmente, ho fulan barak konfrontu sira nian tanba la konkorda ho lei eleitoral.

Hafoin asinatura hosi akordu 2014 nian, frente armadu Renamo nian ho Forsa sira Defeza ho Seguransa mosambikanu nian envolve fali iha konfrontu sira, tanba rekuza hosi partidu prinsipal opozisaun nian hodi rekoñese rezultadu sira hosi eleisaun jeral sira nian.

Lusa

 


Comentários

Critério de publicação de comentários