Pájina aktualizada iha 00:59h, kinta-feira 06 Dezembru

Eis-PM guiniense Umaro Sissoco Embaló hanesan kandidatu hosi Madem ba prezidensial iha Novembru

12 de Agosto de 2019, 21:20

Eis-primeiru-ministru guiniense Umaro Sissoco Embaló sei sai hanesan kandidatu hosi Movimentu ba Alternánsia Demokrátiku (Madem) ba prezidensial sira iha loron 24 Novembru, hatete, iha semana liubá, hosi fonte hosi partidu daruak ne'ebé hetan liu votu iha lejislativu ikus ba Lusa.


Tuir fonte, Sissoco Embaló sai duni hanesan kandidatu úniku ne'ebé hili hosi konsellu nasional partidu nian, tanba ema na'in rua seluk ne'ebé halo parte iha luta iha primária sira, atual Prezidente guiniense, José Mário Vaz, ho advogadu Carlos Vamain, la marka prezensa iha sala reuniaun.

Tuir Rui Nene Djatá, prezidente hosi komisaun eleitoral, ne'ebé prezidi ona primária sira hosi Madem, Umaro Sissoco Embaló hetan ona votu favorável hosi membru na'in 297 hosi konsellu nasional (órgaun máximu entre kongresu sira), kontra 107 no konselleiru na'in 24 hanesan abstén.

Partisipa ona iha prosesu hosi primária sira Madem nian konselleiru na'in 428, hosi na'in 617 ne'ebé halo parte iha órgaun.

Umaro Sissoco Embaló, moris iha Bissau, iha Setembru 1972, jeneral iha rezerva, sai ona nu'udar primeiru-ministru guiniense entre Novembru 2016 to'o Janeiru 2018.

Lusa

 


Comentários

Critério de publicação de comentários