Pájina aktualizada iha 00:59h, kinta-feira 06 Dezembru

Salah Abdeslam akuzadu iha dossie hosi atentadu sira Bruxelas nian iha 2016

12 de Agosto de 2019, 22:09

Úniku membru ne'ebé moris hosi komando ba atentadu sira iha Novembru 2015 iha Fransa, Salah Abdeslam, akuzadu formalmente ona iha Béljika ba atake sira iha loron 22 Marsu 2016 iha Bruxelas, indika hosi prokuradoria federal iha loron-segunda ne'e.


Abdeslam, tinan 29, hetan akuzasaun ba "partisipasaun iha atividade sira hosi grupu terorista ida", hatete hosi prokuradoria federal belga, hodi konfirma informasaun ida ne'ebé sirkula iha imprensa belga iha loron hirak liubá.

Atentadu suisidu sira, ne'ebé reklama hosi grupu Estadu Islámiku, halo ona ema na'in 32 mate no ema na'in 340 resin kanek iha aeroportu internasional Bruxelas-Zaventem no iha estasaun metro ida hosi kapital europeia nian.

Patrosinadu ona hahú hosi Síria no organizadu hosi sélula franco-belga ida ne'ebé hanesan mós orijen hosi atentadu sira ba loron 13 Novembru 2015 iha Paris (ema na'in 130 mate).

Antes hosi anúnsiu ne'e akuza mós ema na'in 12 iha dossie kona-ba atentadu sira iha loron 22 Marsu iha Bruxelas.

Julgamentu hosi atentadu 'jihadista sira' hosi Bruxelas sei hahú iha tinan oinmai no sei halo iha instalasaun antigu sira NATO nian iha kapital belga. Sei dura entre fulan neen to'o fulan ualu no nia suspeitu prinsipal sira maka Mohamed Abrini ho Osama Krayem ne'ebé maka kaer iha fulan-Abril 2016.

Julgamentu hosi atentadu sira Paris nian sei halo iha mínimu iha tinan 2021. Total ida hosi ema na'in 14, na'in 11 iha hela privaun preventivu ne'ebé maka indisiadu ona.

Identifikadu antes hanesan ema ne'ebé halo sala ki'ik, radikalizadu iha bairu Molenbeek hosi Bruxelas, Salah Abdeslam agora detidu hela iha Fransa.

Hetan kondenasaun tanba revelia ba kadeia tinan 20, iha Bruxelas iha Abril tinan 2018, tanba tentativa homisídiu ho karáter terorista, tanba nia partisipasaun iha tiruteiu ida kontra polísia iha Bruxelas iha loron 15 Marsu 2016, loron tolu antes kaer iha Molenbeek.

Lusa

 


Comentários

Critério de publicação de comentários