Pájina aktualizada iha 02:30h, kinta-feira 13 Dezembru

Edisaun komemorativa "A Menina do Mar" lansa iha fulan ne'e nia rohan iha Lisboa

12 de Agosto de 2019, 22:40

Edisaun komemorativu ida hosi obra "A Menina do Mar", hosi Sophia de Mello Breyner, ho livru, CD ho DVD, sei lansa iha loron 30 Agostu, iha Lisboa, iha ámbitu hosi aniversáriu ba dala 100 tinan moris hosi autora, anunsia iha loron-segunda ne'e.


Tuir Valentim de Carvalho, edisaun hosi livru infantil dahuluk hosi Sophia de Mello Breyner (1919-2004), publika iha tinan 1958, sei lansa iha Festa do Livro, iha Palásiu Belém, iha Lisboa (Portugal).

Iha tinan 1961, Valentim de Carvalho lansa ona leitura dramatiza hosi orijinal "A Menina do Mar" nian, ne'ebé ensenadu hosi Artur Ramos, ho interpretasaun sira hosi Eunice Muñoz, Francisca Maria, António David ho Luís Horta, ho múzika hosi Fernando Lopes-Graça.

Tinan ne'e, iha kuadru hosi komemorasaun sira hosi sentenáriu eskritora nian, empreza sei disponibiliza edisaun inéditu ida ho úniku hosi “A Menina do Mar”, ne'ebé ba testu orijinal (ho autorizasaun hosi Porto Editora) sei tau hamutuk kapa foun ida ho ilustrasaun hosi Beatriz Bagulho, edita fali iha CD leitura tinan 1961 nian, ho DVD hosi espetákulu ne'ebé grava direitu iha São Luiz Teatro Municipal iha fulan-Fevereiru tinan 1961, kria hosi Carla Galvão, Filipe Raposo ho Beatriz Bagulho, ho múzika ne'ebé kria hosi Raposo hahú hosi múzika hosi Bernardo Sassetti.

Prezidente Repúblika portugés, Marcelo Rebelo de Sousa, hakerek iha prefásiu obra nian: "Leitura sira ne'ebé la hanesan, jerasaun sira ne'ebé la hanesan no métodu sira ne'ebé la hanesan hodi vizita fali testu fundador ida, ne'ebé iha tasi ho saudades iha rai, iha rai ho saudades hosi tasi. No ne'ebé, hosi arte sira fantazia nian, ka hosi poezia, halo hosi labarik-mane solitáriu no hosi labarik-feto orfaun unidade anunsiadu ida, forte hanesan kurita ida, matenek hanesan kadiuk ida no ksolok hanesan ikan ida".

Edisaun ne'e sei fa'an iha Festa do Livro iah Belém hahú loron 30 Agostu ho distribuisaun ba loja sira iha semana tuirmai, haktuir hosi empreza.

Tinan ne'e asinala sentenáriu hosi Sophia de Mello Breyner nia moris ho programasaun ida ho atividade oioin ne'ebé liu hosi dansa, sinema, edisaun ho reflesaun.

Selebrasaun sira inklui mós kolókiu internasional ida, ne'ebé hala'o iha Maiu iha Fundasaun Calouste Gulbenkian, iha Lisboa, no konsertu ida iha Teatro Nacional de São Carlos, iha Lisboa, iha Outonu, iha loron aniversáriu Sophia nian, ne'ebé moris iha Porto, iha loron 06 Novembru 1919.

Sei hanoin mós siklu sinema ida iha Cinemateca Portuguesa ho filmi sira ne'ebé maka eskritora gosta.

Sophia de Mello Breyner Andresen, konsideradu hanesan naran boot ida hosi poezia portugeza hosi sékulu XX, mate iha tinan 2004, iha Lisboa, ho tinan 84.

Lusa

 


Comentários

Critério de publicação de comentários