Pájina aktualizada iha 13:16h, segunda-feira 14 Outubru

Estadu árabe sira hosi rejiaun bele garanti mesak seguransa hosi Golfu, haktuir MNE irakianu

12 de Agosto de 2019, 23:07

Ministru Negósiu Estranjeiru irakianu hatete, iha loron-segunda ne'e, katak Irake ho Estadu árabe sira seluk hosi Golfu la presiza poténsia estranjeiru sira hodi garanti seguransa navegasaun nian iha Golfu Pérsiku.


Liuhosi rede sosial Twitter, Mohammed al-Hakim konsidera katak ne'e sei aumenta tensaun rejional sira no afirma ona katak nasaun sira hosi zona bele garanti seguransa estratéjiku travesia nian.

Mensajen hosi Al-Hakim mosu hodi hatán ba esforsu sira hosi administrasaun hosi Prezidente Estadus Unidus, Donald Trump, hodi kria misaun ida seguransa nian ne'ebé lidera hosi norte-amerikanu sira hodi halo operasaun iha estreitu Ormuz, ne'ebé Iraun kaer foin lalais ne'e ró balun no ne'ebé hetan akuzasaun ba atake sira hasoru petroleiru sira iha fulan hirak ikus ne'e.

Estadus Unidus hakarak atu koligasaun internasional ida halo vijia no bele eskolta ró komersial sira iha zona. Reinu Unidu hatete ona iha semana liubá katak sei hamutuk ba misaun, maibé laiha aliadu sira seluk hosi EUA maka kompromete.

Al-Hakim saienta katak partisipasaun hosi Israel iha misaun ne'e sei hanesan inaseitável maski seidauk hatene katak Telavive hetan ka la'e konviti hodi partisipa.

Estreitu Ormuz hanesan pontu pasajen estratéjiku ida ba komérsiu mundial petróleu nian.

Iha tinan 2018, petróleu besik baril millaun 21 sirkula loron-loron hosi estreitu ne'e, haktuir hosi Ajénsia Enerjia norte-amerikanu (EIA), nune'e reprezenta besik 21% hosi konsumu mundial hosi hidrokarbonetu ne'e no 1/3 duké tranzita liuhosi dalan marítimu iha mundu.

Lusa

 


Comentários

Critério de publicação de comentários