Pájina aktualizada iha 04:01h, kuarta-feira 22 Agostu

Opozisaun venezuelanu hatete katak rejimi prepara hodi anula parlamentu

12 de Agosto de 2019, 23:30

Opozisaun venezuelanu hatete katak iha informasaun sira katak iha loron hirak tuirmai Governu hosi Prezidente Nicolás Maduro sei anula parlamentu, poder públiku úniku ne'ebé opozitor sira hanesan maioria.


"Ha'u hakarak hatete ho responsabilidade maka'as katak ami simu informasaun importante kona-ba pretensaun sira hosi loukura foun ida hosi ditadura ida ne'ebé laiha kuidadu (...) hodi taka ilegalmente parlamentu venezuelanu", hatete hosi prezidente Asembleia Nasional Venezuela nian.

Durante transmisaun ida hosi aplikasaun vídeo Periscope, Juan Guaidó esplika ona katak medida bele akontese ona iha loron-tersa, ho orden hosi Asembleia Konstituinte, ne'ebé komposta únika hosi simpatizante sira hosi rejimi, organizmu ne'ebé foti ona imunidade ba membru oioin hosi parlamentu, sira hotu hosi opozisaun.

"Sira hakarak anula parlamentu ho konvoka eleisaun parlamentar sira ilegal no inkluzivu halo perseguisaun ba deputadu barak", nia hatutan.

Juan Guaidó hatete katak opozisaun sei "avansa ho ofensiva polítika ida" no "ezerse maioria"(parlamentar) iha ámbitu hosi roteiru hosi mudansa sira ne'ebé liuhosi hosi afasta Nicolás Maduro hosi poder, harii governu tranzisaun ida ho konvoka eleisaun livre sira iha nasaun.

"Ami tenki prepara ba ofensiva ida, la'ós ho kadeia ho tortura sira maka sira sei hapara ami", nia garanti.

Krizi polítika,, ekonómiku ho sosial sai aat beibeik iha Venezuela hahú hosi fulan-Janeiru tinan ne'e bainhira prezidente parlamentu, Juan Guaidó asumi ona funsaun isra hosi Prezidente interinu nasaun nian.

Hahú tinan 2015 maka ema venezuelanu millaun haat resin husik ona Venezuela, hodi buka halai hosi krizi sosial, polítika ho ekonómiku ne'ebé afeta nasaun.

Lusa

 


Comentários

Critério de publicação de comentários