Pájina aktualizada iha 03:23h, kuarta-feira 22 Agostu

Prezidente Repúblika fó pose ba embaixador timoroan foun sira iha Brazil, EUA ho Nova Zelándia

13 de Agosto de 2019, 18:15

Prezidente Repúblika, Francisco Guterres Lu-Olo, iha loron-tersa ne'e fó pose ba embaixador foun sira hosi Timor-Leste iha Brazil, Estadus Unidus ho Nova Zelándia, sei falta diplomata sira seluk hodi asumi knaar sira.


Iha serimónia ida iha Palásiu Prezidensial, iha Díli, Lu-Olo fó pose ba Olímpio Branco nu'udar embaixador iha Brazil, ba Isílio Coelho nu'udar embaixador iha Estadus Unidus no ba Lisualdo Gaspar, nu'udar embaixador iha Nova Zelándia.

"Prezidente Repúblika konfia iha kapasidade hosi Embaixador sira, ne'ebé maka nia foun fó pose. Sira sei iha kondisaun hodi aumenta liután nível ho ámbitu hosi koperasaun entre ita nia Estadu sira", refere hosi Lu-Olo.

Diplomata na'in tolu hosi kareira hetan nomeasaun ona hosi Governu anterior, halo parte hosi lista ida ho naran hamutuk 16 ne'ebé maka ezekutivu atual haruka ona ba Lu-Olo iha inísiu tinan ne'e.

Entre diplomata sira ne'ebé maka propostu hosi Governu no ne'ebé maka seidauk simu pose maka iha embaixador foun sira ba Portugal ho ba Austrália.

Iha diskursu badak iha loron-tersa ne'e, Lu-Olo destaka ona relasaun besik entre Timor-Leste ho Brazil, hodi subliña koperasaun ne'ebé dezenvolve liuliu iha área edukasaun superior nian.

Olímpio Branco, ne'ebé uluk sai ona nu'udar sekretáriu-jeral hosi Ministériu Negósiu Estranjeiru ho Koperasaun kaer ona knaar sira iha Xina ho Kuba.

Isílio Coelho, ne'ebé sai mós nu'udar sekretáriu-jeral hosi Ministériu Negósiu Estranjeiru ho Koperasaun no kaer ona knaar nu'udar embaixador iha Japaun.

Isualdo Gaspar uluk hanesan funsionáriu antigu iha MNEC ne'ebé kaer ona knaar oioin.

Lusa

 


Comentários

Critério de publicação de comentários