Pájina aktualizada iha 03:23h, kuarta-feira 22 Agostu

Eskritor kurdu ne'ebé prezu iha sentru imigrante sira manán prémiu literáriu iha Austrália

13 de Agosto de 2019, 19:42

Jornalista ho eskritor kurdu-iranianu Behrouz Boochani, prezu iha tinan neen liubá iha sentru imigrante ida, hetan distinsaun ho National Biography, prémiu literáriu ida importante liu iha Austrália, anunsia hosi organizasaun iha loron-segunda ne'e.


Boochani, ne'ebé agora daudaun hela iha instalasaun definidu ba imigrante sira iha illa Manus - iha norte Papua Nova Guiné nian -, hakerek ona, liuhosi mensajen sira hosi rede sosial whatsapp, livru "No Friend But the Mountains: Writing from Manus Prison".

Obra, ne'ebé retrata esperiénsia hosi jornalista ho ativista defensor ba ema nia direitu iha sentru ba imigrante sira ne'ebé Austrália harii iha Manus - ne'ebé hein atu simu hosi nasaun seluk ida - tuir júri katak hanesan sasin ida hosi rezisténsia nian.

Livru "hanesan importante tebes (...) hanesan sasin ida (...) demonstrasaun ida poder salvador eskrita nian hanesan asaun ida rezisténsia nian", subliña hosi Biblioteka Estatal hosi New South Wales ne'ebé maka fó prémiu ne'e.

"Ha'u lakohi ko'alia kona-ba literatura, ha'u hakarak hatete de'it katak ha'u hanoin iha komunidade literáriu hanesan parte hosi sosiedade sivil Austrália nian, hanesan parte hosi ami nia rezisténsia hasoru sistema, no ha'u fiar katak hanesan valiozu tebes", nia hatete iha mensajen ida ne'ebé maka haktuir hosi organizasaun prémiu nian.

Ho livru hanesan, iha fulan-Fevereiru, Behrouz Boochani simu Prémiu Literáriu Premier hosi Austrália, iha kategoria la'ós fiksaun, ne'ebé organiza hosi The Weeler Centre.

Sentru detensaun Manus nian taka iha tinan 2017 maibé Boochani halo parte hosi grupu ida ho ema na'in 600 ne'ebé maka hela iha illa iha kampu sira refujiadu nian ne'ebé labele ba Austrália ne'ebé rekuza simu imigrante sira ne'ebé hakarak tama iha nasaun liuhosi dalan tasi nian.

Iha tinan 2012, Austrália halo fali nia polítika hodi kaer ema sira ne'ebé "laiha dokumentasaun" hosi nasaun sira seluk, iha kondisaun sira ne'ebé maka denunsia hosi organizmu internasional sira entre sira maka ONU.

Lusa

 


Comentários

Critério de publicação de comentários