Pájina aktualizada iha 03:23h, kuarta-feira 22 Agostu

Austrália lansa fundu ba projetu sira hodi kombate akesimentu global iha Pasífiku

13 de Agosto de 2019, 22:28

Governu australianu anunsia iha loron-tersa kriasaun hosi fundu ida hodi selu projetu sira ne'ebé ajuda nasaun insular sira hosi Pasífiku hodi kombate krizi klimátiku ne'ebé mosu tanba akesimentu global.


Pakote, ho dolar australianu hamutuk millaun 500, sei aplika iha investimentu sira iha enerjia renovável, konstrusaun ba infraestrutura sira ne'ebé bele rezisti ba dezastre natural sira no hadi'a iha serbisu sira saúde nian, no seluk tan.

"Pasífiku hanesan ita nia uma, ne'ebé ita fahe ho família ida hosi nasaun sira. Ita tenki serbisu ho ita nia parseiru sira hosi Pasífiku hodi hasoru potensial dezafiu sira iha tinan hirak tuirmai", deklara hosi primeiru-ministru australianu, Scott Morrison, iha komunikadu.

Primeiru-ministru australianu, ne'ebé evita introdusaun hosi lei sira hodi kumpri Akordu Paris iha tinan 2016, sei partisipa iha loron-kuarta iha Fórum hosi Illa sira Pasífiku nian, ne'ebé hala'o to'o loron-sesta iha Tuvalu no nia tema maka emerjénsia klimátika.

Akordu Paris hetan ona iha ámbitu hosi Konvensaun-Kuadru hosi ONU kona-ba Alterasaun Klimátika no nia objetivu hodi hamenus emisaun hosi gás sira ne'ebé iha efeitu estufa hahú tinan 2020.

Impaktu hosi mudansa klimátika sente maka'as ona iha Pasífiku, ne'ebé nasaun insular oioin hetan ameasa atu lakon tanba lakon teritóriu no ba salinizasaun progresivu hosi bee no rai.

"Kestaun desizivu hosi ita nia tempu", nune'e maka sekretáriu-jeral ONU nian, António Guterres, deskreve emerjénsia klimátika, iha Maiu, durante vizita ida ba nasaun oioin hosi Pasífiku Súl.

Lusa

 


Comentários

Critério de publicação de comentários