Pájina aktualizada iha 03:23h, kuarta-feira 22 Agostu

Iraun rai urániu liu kilu 60 to'o 70 duké ne'ebé maka permiti iha akordu nuklear

13 de Agosto de 2019, 22:56

Iha loron-tersa ne'e Iraun indika katak ultrapasa ona entre kilograma 60 no 70 hosi limiti kilograma 300 hosi rezerva sira urániu enrikesidu ne'ebé maka fiksa iha akordu nuklear tinan 2015 nian.


Iha serimónia ida iha instalasaun nuklear sira iha Fordow, porta-vós hosi Ajénsia Enerjia Atómika hosi Iraun (AEAI), Behruz Kamalvandi, hatete katak "agora daudaun kuantidade hosi urániu enrikesidu Iraun nian iha entre kilograma 360 no 370".

"Agora ami iha kapasidade di'ak hosi produsaun nian no kuantidade aumenta lalais", adianta hosi porta-vós ne'ebé maka haktuir hosi ajénsia ofisial Irna.

AEAI anunsia ona iha inísiu Jullu katak ultrapasa ona kilograma 300 hosi rezerva sira ne'ebé permiti hosi paktu no ne'ebé hahú ona aumenta urániu aas liu hosi nível ne'ebé maka permitidu (3,67%) iha akordu internasional ne'ebé maka Estadus Unidus la halo ona parte iha Maiu 2018 no ne'ebé maka hahú fali kastigu hasoru Iraun.

Liutiha tinan ida hosi saída unilateral ne'e, Repúblika Islámika anunsia katak sei la kumpri nia kompromisu balun tanba inkapasidade hosi signatáriu sira seluk (Reinu Unidu, Fransa, Alemaña, Rúsia ho Xina) hodi kontraria kastigu norte-amerikanu sira, hodi permiti ba nia hodi benefisia akordu.

Autoridade iranianu sira hanoin hodi la kumpri obrigasaun sira seluk hosi akordu nuklear iha Setembru bainhira Estadus sira ne'ebé sei halo parte hosi akordu la garanti esportasaun hosi petróleu no tranzasaun bankáriu sira hosi Iraun.

Lusa

 


Comentários

Critério de publicação de comentários