Pájina aktualizada iha 03:21h, kuarta-feira 22 Agostu

Repúblika Demokrátika Kongo anunsia kura Ébola nian liuhosi ai-moruk foun sira

13 de Agosto de 2019, 23:21

Autoridade sanitáriu kongolés sira anunsia iha loron-tersa ne'e kura hosi ema na'in rua ne'ebé infetadu ho vírus Ébola nian hafoin loron 11 hosi tratamentu iha Goma, leste hosi Repúblika Demokrátika Kongo (RDKongo) nian, iha prova efikásia ida hosi ai-moruk foun sira.


"Hanesan ksolok boot ida atu ami fó sai katak entre kazu konfirmadu sira Ébola nian iha Goma, na'in rua hetan ona kura. Ba ami hanesan mensajen forte ida katak bele kura Ébola. Iha ona tratamentu", deklara hosi Jean-Jacques Muyembe, kordenador hosi resposta kontra vírus iha RDKongo.

Espesialista kongolés esplika ona katak halo hela estudu "ba tratamentu rua, mAb114 ho REGN-EB3”.

"Hanesan molékula rua ne'ebé ami sei uza ho baze iha rezultadu sira ne'ebé maka ami hetan to'o agora, ne'ebé maka hatudu rezultadu sira", esplika hosi espesialista no pioneiru iha luta kontra Ébola.

Autoridade sanitáriu norte-amerikanu sira, ne'ebé kofinansiadu estudu ida kona-ba tratamentu hosi vírus, indika ona iha loron-segunda katak ai-moruk rua aumenta maka'as taxa sobrevivénsia hosi pasiente sira iha kuadru hosi ensaiu klíniku ida iha RDKongo.

Entre ema na'in 500 resin ne'ebé maka analiza ona sira nia informasaun (hosi total ida pasiente na'in 681), mortalidade tuun 29% ho REGN-EB no iha 34% ho mAb114, espesifika hosi Anthony Fauci, diretor hosi Institutu norte-amerikanu ba Moras Infesiozu sira ho Alerjia sira. Taxa mortalidade hosi pasiente sira ne'ebé maka la simu tratamentu ruma maka entre 60 ho 67%.

Tratamentu rua konstitui hosi antikorpu monoklonal sira ne'ebé halo intervensaun iha neutralizasaun hosi kapasidade vírus nian hodi infeta sélula sira seluk.

Dezde deklara epidemia hosi vírus iha nasaun, iha 01 Agostu 2018, vasina ona ema hamutuk 181.389.

Ébola transmiti hosi kontatu ho fluidu korporal infetadu no tratamentu lalais hanesan determinante ba posibilidade sira sobrevivénsia nian, maibé ema barak la fiar katak vírus hanesan real no hili hela iha uma bainhira sira moras, no profisional saúde sira hatete katak ema sira ne'ebé moras bele hamosu infesaun ba ema sira ne'ebé kuida sira.

Lusa

 


Comentários

Critério de publicação de comentários