Pájina aktualizada iha 03:25h, kuarta-feira 22 Agostu

ONU rekorda funsionáriu timoroan sira ne'ebé mate iha apoiu ba misaun referendu nian

14 de Agosto de 2019, 19:26

Delegasaun hosi ONU nian iha Timor-Leste, iha loron-kuarta ne'e, halo homenajen ba funsionáriu timoroan na'in 15 ne'ebé mate ona bainhira apoia misaun ONU nian ne'ebé halo supervizaun ba referendu independénsia tinan 1999.


Vítima sira nia família, responsável lokal sira no hosi ONU halibur hamutuk iha loron-kuarta ne'e iha serimónia ida memória nian iha monumentu nia oin ne'ebé iha vila Gleno, iha súl Díli nian, rekorda vítima ida, Ana Xavier da Conceição Lemos, ne'ebé mate iha tinan 1999.

Rivelino Lemos, Ana Lemos nia oan-mane, rekorda ona importánsia hosi votu tinan 1999 ne'ebé permiti ona ba ema timoroan sira hodi "konkretiza mehi independénsia nian", hodi afirma katak vítima sira luta ona hodi hetan.

"Ita labele haluha katak ema sira ne'ebé mate ona hanesan ema timoroan sira ne'ebé simples", nia hatete.

"Ha'u ladún hanoin di'ak ha'u nia inan maibé ha'u hanoin ba liafuan balun ne'ebé maka nia hatete mai ha'u semana balun antes mate: presiza sakrifísiu sira ba ita nia nasaun nia futuru, nia hatete", oan-mane rekorda hodi agradese apoiu ONU nian iha prosesu.

Serimónia hetan mós prezensa, entre ema barak, hosi deputadu sira Elvina Sousa Carvalho ho Ernesto Fernandes, ne'ebé moris iha rejiaun, hosi responsável munisipal José Soares ho diretor hosi eskola ne'ebé maka uluk Ana Lemos estuda, Luciano Babo.

"Tanba ONU maka ita moris. Ohin loron ita iha independénsia. Obrigadu ba ONU tanba komemora ho ema lokal sira ne'ebé maka mate ona bainhira serbisu ho UNAMET", hatete hosi Ernesto Fernandes.

Harii hosi Konsellu Seguransa ONU nian iha loron 11 Jullu 1999 - ne'ebé delibera ona realizasaun hosi konsulta popular ida ba ema timoroan sira - Misaun ONU nian iha Timor-Leste (UNAMET, iha sigla ho lian inglés), sai posível tanba akordu loron 05 Maiu nian entre Portugal ho ONU.

Funsionáriu haat dahuluk hosi ONU ne'ebé to'o iha Timor-Leste iha loron 06 Maiu 1999 maka Beng Yong Chew, visi-diretora hosi divizaun hosi Ázia ho Pasifiku hosi Departamentu Asuntu Polítika sira ONU nian, Mark Quarterman, funsionáriu hosi departamentu asuntu polítiku sira nian, Francesco Manca, espesialista eleitoral italianu ida ho Steve Etsell, analista tékniku ida.

Mate dahuluk hosi funsionáriu ida akontese iha loron 08 Agostu, loron 22 antes referendu.

Roy Trivedy, kordenador rezidente ONU nian, agradese oba ba família sira ba sakrifísiu ne'ebé maka sira halo no garanti katak "nunka haluha sira".

"Ohin loron ita fó onra ba sakrifísiu hosi mane ho feto timoroan na'in 15, aman ho inan sira, maun-alin sira ho belun sira, ne'ebé fó ona moris ba misaun ho ba valor sira ONU nian", nia hatete.

Anjwet Lanting, xefe hosi gabinete direitu ema nian hosi ONU iha Timor-Leste, lé ona naran sira hosi ema na'in 15 ne'ebé mate ona no rekorda katak hanesan ema sira hosi UNAMET maka "asegura atu ema timoroan sira bele hala'o sira nia liberdade espresaun nian ho hodi bele vota".

"Ema barak ariska ona sira nia moris, hetan intimidasaun ka hetan atake bainhira serve misaun ONU nian. Funsionáriu na'in 15 hosi UNAMET halo ona sakrifísiu ikus no lakon ona sira nia moris", nia hatete.

Iha rejiaun, mate ona ema na'in lima hosi funsionáriu na'in 15 ONU nian, na'in rua mate hafoin votasaun loron 30 Agostu.

José Lemos hatete ona katak monumentu rekorda vítima sira maibé mós konkluzaun hosi prosesu rekonsiliasaun nian iha rejiaun no "inísiu hosi jerasaun foun ida ne'ebé haree ba futuru ho unidade, iha dame no ba dezenvolvimentu".

Lusa

 


Comentários

Critério de publicação de comentários