Pájina aktualizada iha 03:25h, kuarta-feira 22 Agostu

Mudansa ba lei hosi rejiaun Oecusse hanesan konstitusional, haktuir hosi Tribunal Rekursu

14 de Agosto de 2019, 21:34

Tribunal Rekursu konfirma iha loron-kuarta ne'e katak mudansa sira ba lei hosi Rejiaun Administrativu Espesial Oecusse-Ambeno (RAEOA) nian, ne'ebé maka sai hanesan objetivu hosi pedidu fiskalizasaun preventivu hosi Prezidente Repúblika, hanesan konstitusional.


"Desidi ona juís sira hosi koletivu ne'e hosi Tribunal Rekursu hodi la julga inkonstitusional dekretu hosi Parlamentu Nasional iha 6/V (Alterasaun Dahuluk ba lei 3/2014 hosi loron 18 Juñu”, refere hosi desizaun.

Desizaun ne'e komunika ona iha loron-kuarta ne'e ba parte sira, liuliu ba xefe Estadu, Francisco Guterres Lu-Olo, no ba prezidente Parlamentu Nasional nian, Arão Noé Amaral, haktuir hosi fonte sira hosi Tribunal Rekursu ba Lusa.

Iha kauza maka mudansa sira ba lei 3/2014 ne'ebé muda ona dalan oinsá nomeia ho hasai prezidente RAEOA nian lahó liu hosi Palásiu Prezidensial.

Emenda determina katak prezidente RAEOA nian agora "nomeia hosi Governu, liuhosi rezolusaun, ba mandatu ida tinan lima, renovável dala ida de'it".

Lei anterior determina katak "Prezidente Autoridade (…) nomeia hosi Prezidente Repúblika, ho proposta hosi primeiru-ministru, ba mandatu ida tinan lima, renovável beibeik", aplika prosesu hanesan ba exonerasaun.

Mudansa sira ne'e aprova ona hosi maioria parlamentu iha plenáriu ne'ebé Frente Revolucionária do Timor-Leste Independente (Fretilin, iha opozisaun ho partidu hosi Prezidente Repúblika nian) husik ona serbisu sira.

Iha nia pedidu fiskalizasaun preventivu, xefe Estadu, Francisco Guterres Lu-Olo, konsidera katak mudansa sira ne'ebé aprova iha parlamentu ignora espesifisidade sira rejiaun nian, kritika mós desizaun hosi lejislador sira hodi hasai Prezidente Repúblika hosi prosesu nomeasaun ba responsável rejional.

Lu-Olo husu ona atu tribunal desidi iha loron 15 nia laran kona-ba konstitusionalidade hosi emenda sira no hodi ko'alia kona-ba "desviu hosi poder lejislativu hosi Parlamentu Nasional" tanba "hala'o poder lejislativu (…) hodi kontraria ho saida maka bele eziji konstitusionalmente hanesan lejislador ordináriu".

Ba Prezidente Repúblika, ho emenda sira ne'e, estatutu jurídiku RAEOA nian sai hanesan limitadu iha kapasidade hodi serve dezenvolvimentu rejional.

Hodi hatán, parlamentu defende ona konstitusionalidade hosi mudansa sira hodi husu ba instánsia importante liu justisa nian hodi "deklara improsedente, tanba la aprova, pedidu fiskalizasaun preventivu hosi konstitusionalidade nian".

Parlamentu sustenta katak hanesan enkuadra iha kuatru konstitusional hodi "atribui kompeténsia ba Governu hodi nomeia titular hosi órgaun ida hosi entidade jurídiku ne'ebé kria hodi nune'e Estadu bele prosege dezenvolvimentu ekonómiku ho sosial hosi enklave Oecusse-Ambeno no, importante, mós iha nível nasional".

"Mudansa aprovadu hosi Dekretu ne'ebé avaliadu laiha violasaun ruma hosi rejimi konstitusional ruma hosi enklave Oecusse-Ambeno nian”, sustenta.

Nune'e "lejislador ordináriu maka, iha espasu livre konformasaun polítika ne'ebé maka asisti, determina organizasaun administrativu ne'e no determina modelu hosi entidade sira ho órgaun respetivu sira ne'ebé maka deve, iha enklave Oecusse nian, implementa polítika ne'ebé defini ba nasaun tomak hosi órgaun kompetente sira".

Lusa

 


Comentários

Critério de publicação de comentários